يا خساااااااااااارة على الرجالة

[رحيق الجنة]

حين قال الرئيس مبارك ذات مرة انه لم يعين نائبا لرئيس الجمهورية لانه لم يجد شخصا مناسبا , و قال ان السادات كان محظوظا ان وجده بينما هو ليس محظوظ بدليل انه لم يقابل احدا مثله , صمت رجال عن التعليق , لم يرد اي واحد ممن يتمسحون ببلاط قصر الرئاسة , و لم يلفظ بحرف معترض اي رجل طويل عريض ممن يلوثون مصر بوجودهم , و لم يحس اي مسؤول او وزير على دمه فانتفض لرجال مصر الذين اتهمهم الرئيس مبارك بان ايا منهم لا يصل الى مكانته و مميزاته و صفاته , خرس الرجاله في البلد حتى شنبات المعارضة من المسنين تحملوا الاهانة و ربما لم يشعروا بها اصلا !!

و عندما يسرب مبارك عبر مندوبيه و حراس نظامه و خدم بلاط عرشه كلاما من قبيل انه لا يوجد بديل لمبارك كأن مصر الشامخة السامقة عقمت ان تنجب مثل الرئيس كأنه الفرد الصمد الواحد الاحد , فهذا يعني انه لايصلح ان يصير فرعونا الا ابن فرعون شخصيا , اظن ان مبارك فعلا لا يرى رجالا حوله وامامه خصوصا بعد سنوات طويلة من الحكم الذي بدا ابديا سرمديا لا ينتهي و ليس له ان ينتهي , لم ير فيه داخل الوسط السياسي رجلا يقول له لا , و لا رجلا ينافسه , و لا رجلا يقاومه و لا رجلا يعارضه , و لا رجلا يهاجمه , و لا رجلا من اقصى المدينة يسعى يرفض ما يفعله مبارك و يدينه فصار مبارك مصدقا مؤمنا انه و لا واحد فيكي يا بلد يملأ عين رئيسها و يخشاه حاكمها و انه و لا واحد فيكي يا بلد الا و يقدر هذا النظام على ان يفعصه في لحظة اذا فكر او حاول او انتوى !!

لهذا يمكن ان ازعم باطمئنان شديد ان مشكله مصر ليست مشكله في السياسة و لكن مشكله في الرجوله , نعم البلد مبقاش فيها رجالة ....
في عصر مبارك لم نر رجالة بل مجموعات من الخرفان و النعاج تمشي زرافات زرافات في الساحة السياسية ( حكومة و معارضة ) يتوسلون من مبارك الرضا و يتوسلون من مبارك النعمة , فقد نجح عصر مبارك و نظامه في نزع الرجولة من رجال السياسة , اما من واجه من خارج الحقل السياسي فكان النظام بقمعه و فاشيته و قهره و جهاز امنه الغاشم كفيلا بتوجيه حملات تشويه سمعة ضده و اغتيال شخصية معنوية و انتهاك خصوصية من خلال مخبري الصحافة الحكومية و امناء الشرطة و صحفي المباحث و عملاء الامن و المنافقين الافاقين و برعاية من المسؤولين الذين يوجهون الامر ( هشك عليه ) او بتلفيق التهم لهذا الرجل او ذاك و مطاردته في المحاكم و زجه في السجون و المعتقلات , او بالقبض على عشرات و مئات اساتذة الجامعة و الدكاترة و المهندسين من زعامات الاخوان المسلمين حيث استخدم النظام ضدهم المحاكم العسكرية لاستنزاف قواهم و هد حيلهم و تعطيل مسيرتهم و لا تخلو سجون لمبارك منذ تولى الحكم حتى الان من سجناء و معتقلي الاخوان , او يلجأ النظام الى اتهام المتمردين عليه بالجنون او الخبل او يرمي هذا النظام الدكتاتوري الفاسد الرجال المعارضين له بتهم العمالة للغرب و الامريكان , وهي صفاقة لا تجدها الا في هذا العصر الذي يتميز بان حكامه و مسؤوليه و احفاد مسؤوليه امريكان بالجنسية او بالولاء السياسي و العقائدي او بالبيزنس و المصلحة و مع ذلك فهو لا يكف عن اتهام اي معارض له بالعمالة لامريكا على طريقة راقصات شارع محمد علي على اللي فيها تجيبه فيك !!

نجح نظام مبارك في قمع و قهر الرجال , فلم يعد على الساحة الا اشباه الرجال الذين لا يتعب هذا النظام في التعامل معهم ابدا , فكل رجل في هذا البلد سواء في الجامعة او اجهزة الحكومة او مؤسسات البحث او هيئات الاعلام او احزاب المعارضة له ثمن و سعر , و يبدو ان احدا لم يخيب ظن النظام فلم يقوم و لم يفاصل حتى في السعر الى حد ان النظام بات على قناعة راسخة بانه فعلا مفيش رجالة فهؤلاء يركعون امام الضابط و يسجدون امام الحاكم و مجرد ان يكلم مبارك واحدا منهم في التليفون يتحولون الى عبيد احسانات نظامه فورا و يشتريهم الحكم بمنصب وزاري او حكومي او بحصانة شعب او شورى او بعمادة كلية او بلجنة او سفرية او حتى علاج على نفقة الدولة ( و هذا حق المواطن كان معارضا او منافقا ) او حتى تعيين زوجة في شركة او تخصيص نسبة من الاسهم باسم المدام او الاولاد في شركة او ابناء في بنك و هناك من يشترونه بتركه يفسد و تشجيعه على الفساد و التربح والعبث بالمال العام , و حين يجد الجد لا تجد رجلا واحدا يقول لا او يعارض او يواجه او ينافس !!

هاهو السياسي المثقف الراجل الذي كان موضع احترام و هيبة و رهبة تحول بتردده و خنوعه و خضوعه للاغراءات و ضعفه امام القوة و السلطة و النفوذ , الى رجل يعترف بكل راحة بانه امرأة , ليس فقط تقبل الاهانة و بل تلذذ بها , بل افتخر بها , هاهم رجال الوطن الذين كانوا و قد تحولوا و تبدلوا و خانوا رجولتهم جعلوا هذا النظام يفاخر و يتفاخر بانه مش لاقي رجالة , ها هم الذين باعوا رجولتهم و مواقفهم فجعلوا النظام يدعي انه لا يوجد البديل فلا يعترضون و لا يعارضون !!!!!!

ابراهيم عيسى ( الدستور )

ملحوظة: تم حذف بعض اجزاء من المقال

[داليا]

بجد مقاله تحفه واللى قايلها اكيد راجل من ضمن الرجاله الموجوده فى مصر

وهو فى رجاله فى مصر بس للاسف بيتكلوا بسرعه

يعنى مثلا فى انتخابات الرئيسيه الاخيره

هنلاقى ان التلاته اللى كانوا ورا الريس على طول فى عدد الاصوات اختفوا

لالا هما مش اختفوا

ايمن نور اتجن ليه محدش عارفه ومتبهدل فى السجن

يعنى هيخرج هيبقى طلعان عينه ومش هيقدر يرشح تانى نفسه

نعمان جمعه شرحه متبهدل فى بلاوى ومعرفش ايه بيحصله وتقريبا فى السجن ولا راح فين محدش عارف

مش عارفه مين ترك كان رئيس حزب الاتحاد يا سبحان الله مات هو كمان فى حادثه عربيه

بجد صدف عجيبه اول ما الانتخابات تخلص التالته اللى بعد الريس على طول يبقوا اتمحوا

وطبعا فى المقال فى كمان شويه حاجات اتقالت عن اى حد بيقول انا راجل فى البلد دى وانا موجود على طول على السجن وتلفيق التهم وبلاوى ما يعلم بيها الا الله والحكومه طبعا

وفى بقى اللى بشتروه بفيلا وعربيه ووظيفه وفلوس فى سويسرا ودا بقى مش راجل واتقال فى المقال اشباه رجال وبرضو كتير عليه لانه ولا حصل راجل ولا ست دا باع انسانيته

ونيجى بقى للنقطه الاخطر والاهم وهو عدم وجود نائب وبجد انا مش فاهمه

هو مبارك شايف نفسه انه عشان كان من نصيب السادات انه عشان كان لقطه وحاجه محصلتش ههههههههههههههههههه

والله حاجه تضحك دا على اساس ايه

وكان عمل ايه

اوعى يكون كدب الكدبه وصدقها انه هو اللى كسبنا الحرب

وصدق كلام الافلام والاغانى واول طلعه جويه وكلام من دا

لا والله دا يبقى بجد حرام وبعدين هو مش عايز نائب لانه عايز جمال هو الخليفه ليه فمش معقول يجيب حد يقرفه

وهي صفاقة لا تجدها الا في هذا العصر الذي يتميز بان حكامه و مسؤوليه و احفاد مسؤوليه امريكان بالجنسية او بالولاء السياسي و العقائدي او بالبيزنس و المصلحة و مع ذلك فهو لا يكف عن اتهام اي معارض له بالعمالة لامريكا على طريقة راقصات شارع محمد علي على اللي فيها تجيبه فيك !!

جمله تمام وفى الجون على حق وصح تمام للاسف المسئولين عمرهم ما انتموا للبلد اللى كلوا واتولدوا على ارضها وللاسف برضو بيتهموا اى حد بيفضحهم بان هو الخاين والعميل

يا عم اتكسف وخلى عندك دم

بس لازم مبارك يعرف ان مصر فيها رجاله يمكن مش ظاهره دلوقتى بس مصر طول عمرها ولاده ويا ما جابت رجاله وهتجيب راجل يقوله لا احنا موجودين وهياخد بحقالشعب دا ويقول البلدى بتاعتنا وكفايه اوى اهانات

وهيجى الراجل اللى هيتكلم وهيعمل ومحدش هيقدر يعمله حاجه وبدل الراجل فى الف واتنين ومليون يمكن مش ظاهرين بس هيجى اليوم اللى محدش هيخاف فيه

[العميل1001]

فهؤلاء يركعون امام الضابط و يسجدون امام الحاكم و مجرد ان يكلم مبارك واحدا منهم في التليفون يتحولون الى عبيد احسانات

الى رجل يعترف بكل راحة بانه امرأة

اولا الركوع والسجود لله عز وجل

ثانيا لا يوجد رجل يعترف بانه امرأه

ونحن عباد الله سبحانه وتعالى

انسه رحيق الجنه موضوع اكثر من رائع

لكن

لكل شئ أوان بمعنى ان لكل حاجه وقتها

مش معنى ان مفيش حد دلوقتى مش قادر يقول لا او يعترض يبقى مفيش رجاله

لا والف لا

اكيد هيجى الوقت اللى يظهر فيه الرجل الحقيقى اللى يعترض

واكيد كمان هيجى نهايه مبارك كما كاتب ربه ليه

هو صحيح قائد السلاح الجوى فى حرب اكتوبر وصاحب اول طلعه جويه

لكن مش هو اللى كسبنا الحرب اللى كسبنا مقوله الله واكبر وهى تعلو فى

سماء سيناء وبعد ذلك التوفيق من عن الله ثم العقل المفكر انور السادات

يعنى اكيد فيه ناس زى واحسن منه كفاءه الان ولا ليست لديهم فرصه ليثتبوا

انفسهم فى بلدهم مصر

لانها يحكمها رجل مغرور رجل يعتقد انه يملك جميع مصر ولكن مصر

هى التى تملكه فى يديها

غير كده هو بيقول ان ان مفيش حد زيه ولا فى كفائته طيب فى كفائتك

والبلد كل يوم فيها خراب وبتتسرق من المسئوليين اللى انت مخترهم

ولكن احب اقول لك ان مصر كلها رجال حتى اطفالها رجال

ولكن انت المراه اللى تستر وراء الستار ان جبان

تمشى فى موكبك على اساس انك فى السياره

ولكن انتى فى طائره فوق الموكب ما هذا

اهذيه رجوله ام جبن وخوف ورعب

احب ان اقول لك ان مصر كل يوم تنجب رجال ورجال ورجال

ولكن المرأه الوحيده فى مصر فهى انت يا مبارك

يا مبارك انتظر واصبر على ما كتب لك عند الله عز وجل

ان الرجال قادمون لك ليكى ياخذون منك حقهم وحقك شعبهم الحر

وحق كل مواطن عليك

اختى رحيق لا تعجلى فالله عز وجل لا ينسى عباده الصالحين

وسوف يأتى القت المناسب لكى يحكم مصر رجلا صالحا

وليه اللى بيقف قدام مبارك بيختفى مبنشفهوش تانى عشان هو الريس

ومن حقه يعمل اى حاجه لا احنا اللى بادذينا ولكن محتاجين حد يحرك الى جوانا

مهم تكلمنا فى هذا الموضوع لن نخلص من الكلام !!!!!!

اختى رحيق اتمنى من الله عز وجل ان يهدى هذا الرجل المغرور

وان يعجل بالرجل الموعود

وتقبلى تحياتى لكى .......

اااااحمد المصرى

[abou-goda]

احمد ياريت بلاش غلط كتير وتقول هو ست او مش ست والحوارات ده
لا الست اكيد برده ليها مواقفها النبيله وصفات حميده
لكن اللي يوصف شعب بااكمله بانه شعب بدون رجال يبقي اكيد جن جنونه
احنا مش عايزين نغلط علشان ماتتحسبش علينا ذنب نتحاسب عليه يوم الدين
بس نعمل ايه مصر موجوده واهلها موجودين بس الصوت في
اهل مصر لسه التراب علي عنيهم شايفين بس مغمضين خايفين يفتحوا يتعموا زي اللي قبليهم
كل اللي بيحصل لينا ده بسببنا احنا واقفين ساكتين منهوبين مخمودين
كل واحد يلا نفسي انا عايش اخر دماغ وانا ماللي باباقي
انا نفسي اعرف ازاي الناس ده تتهان ويتقال عليها كده وهي ساكته



شكرا ليكي رحيق علي نقل الموضوع ده موضوع فعلا مجتاج نقاش كتير
تحياتي لك

[The_free_pen]

بصراحة فعلا حال البلد زي ما بيقولوا مايسرش لا عدو ولا حبيب ولكن زي ما قال شيكا أكيد في أمل لإن الرسول (صلى الله عليه وسلم) قال إن المصريين في رباط إلى يوم القيامة ف بلا شك هييجي يوم يقوم فيه الرجالة ويرجعوا مصر تاني زي ما كانت
بس المهم إن كل واحد فينا يصلح نفسه وبعد كدة أكيد هنلاقي الرجل اللي هيغير الوضع ده

[the brave soldier]

الموضوع رائع بجد وانا مع ابو جوده العيب مش فى الحكومه ولا النظام العيب فينا احنا لان احنا الى ساكتين على ده ونسينا ان الى بيعمل حاجه غلط اول وقفه صح بتخوفه بس مين بقى الى يقف الوقفه دى صدقونى مصر فيها ناس كتير كويسين محتاجين بس شويه قوه واراده وعزيمه احنا خفنا ومكنش لازم نخاف .