معرفش إيه كان شدنى وفتحت البوم الصور ورسيت بعينى على حب فى زمن عدى وعبر حسيت بجرحى والقدر يضغط على أضعف وتر وليه ياعقلى خنتنى ؟ وسبت نفسك للصدف تلعب بقلبى اللى إنخطف وليه ياإيدى تدورى على ورد مات يوم ما إنقطف ؟ فتحتي جرحي اللي نزف.فتحتي باب القلب للريح والخطر معرفش ايه كان شدني وفتحت البوم الصور ورسيت بعينى على حب فى زمن عدى وعبر وفتحت جرحى اللى انا نسيت فى يوم إنه حصل ومسكت صورة وشفتها حسيت بإنى فى وقتها رجعت عمرى اللى إتنسى فى لحظه وقفت عندها وكنتى فين ياعمرى فين . ياأصعب ليالى عشتها إنتى هنا ساكنه هنا فى ذكرى قفلتها إنتى اللى فات من عمرى فات وياريت ياصفحه ما تنتهى قبل إما اقول على اللى جرى . لما الربيع فرش الربيع ورد العيون المغرمه قطفتى ليه ورد القلوب وغبتى بيه لما إبتدا وتهتى بيه وسط الظروف . وسقيتى عوده الخوف وموت ياحبى فى الطريق لما القلوب تختلف وخبى وشيك فى السحاب زى النجوم ما تنكسف إنتى القمر ليله رحيل . ما سبش فرصه ولا دليل وما عدتش أسأل يوم سؤال . إنتى رجوعك شىء محال وياليل كفايه تنوح وإوعد فى يوم ماتبوح إحلف فى يوم ما تنكسف . زين عيونك بالنجوم إوعاك فى يوم تنتظر وتقولى فين القمر إظهر ياليل وإعترف . غاب القمر معرفش إيه كان شدنى وفتحت البوم الصور ورسيت بعينى على حب فى زمن عدى وعبر إنتى اللى فات من عمر مات . وياريت ياصفحة ما تنتهى نسيت خلاص اللى حصل
ورد مـــــات
أحبكم فى الله 
