لما كنا..........................

[the brave soldier]

الموضوع بسيط جدا (لما كنا صغيريين)
اكيد كلنا لينا ذكريات جميله واحنا صغيريين
كان لينا مقالب بنعملها فى بعض واحنا صغيريين
واكيد كان عندنا ابلوات واساتذه كويسين وغيرهم وحشين كرهونا فى الحضانه والمدرسه وكل حاجه
واكيد كان عندنا حاجه بتميزنا واحنا صغيريين مثلا حاجه كنا بنعملها كلمه كنا بنقولها

ومش هسألكم أسئله معينه الموضوع مفتوح اتكلموا عن طفولتكم زى ما انتوا عايزيين بكل حلوها ومرها اتكلوا عن حد كنتوا بتحبوه جدا وانتو صغيريين مثلا شخصيه كرتونيه او اى حد تانى

بصوا بقى انا مش عايزه اكتر فى الكلام قولوا انتو كل الى انتو عايزينه..........



ويا رب الموضوع يعجبكم...................

[abou-goda]

ياعيني عليكي يابريف
ايه المواضيع الجامده ده
بس للاسف انا مش اعرف اكتب اللي حصل معايا لاني حصل معايا كتير وانا بنسي
بس حقيقي وانا صغير اكتر حاجه كانت بتعجبني تفوقي في الدراسه وحب المدرسين ليا بس كده غير المقالب اللي كنت اعملها وكانت بترجع باصابات عليا انا ولغايه دلوقتي الاصابات ده موجوده فيا :">
شكرا ليكي بريف علي الموضوع الجميل ده

[ذكريات الماضي]

ايه الموضوع الجنان ده يا عيني ومن ورايا يله مش مشكله .
انا والله اكتر حاجه كنت بحبها في نفسي وانا صغيره بسطتي واني كنت بريئه جدا (ولسه والله اوعوا تفتكروا انا مش شريره خالص )بس كنت كده عامله زي الورده الجميله الي لسه متصدمتش بأي حاجه .
واكتر حاجه كنت بكرها اني اسأل سؤال ومحدش يجاوب عليا لان اسئلتي كانت كتير جدا وكنت بحس ان الناس مش عاوزه تتعب نفسها وترد عليا .
وكمان خجلي اي حد كان يقولي اي كلمه كنت افتح حنفية العايط بس دلوقتي خلاص بقيت بقدر امسك نفسي او علي الاقل محسش بالخجل الشديد ده .
وبعدين منتي عارفه اصلك زي بالضبط ههههههههههههه
مشكوره علي الموضوع وفي انتظار مزيدك.

[l-lo0oBy]

أكيد كان فيه حاجات كتير جميله

يعنى مثلا زى شقاوه الأطفال والتفكير نفسه

يعنى الذهن صافى مش زى دلوقتى مثلا بقيت بعتمد على نفسى

وطبعا كنت بحب أشوف نظره الحب والاعجاب من المدرسين والمدرسات

دى كانت حاجه بتسعدنى جدا

شكرا على الموضوع الجميل

[أبو الشود]

ههههههههههههههههههههههههه هه

ضروري الفضايح يعني؟؟؟؟

انا بجد مش فاكر كتير عن طفولتي يعني بس انا متأكد انها كانت شقية اوي اوي اوي ومش فاكر حاليا ولا موقف بس حبيت اشكرك على فكرتك يا سوليدير

تسلم ايدك عالأفكار الهايلة

[moslim-girl92]

على راي ابو الشود فعلا فضايح

انا عن نفسى كانت طفولتى طفوله متشرده ومازلت يعنى بس مش زى الاول الحمد لله هههههههههههههههههههههههه

وانتى ادرى بالموضوع ده بالذات

هوايتى وانا صغيره ان اكسر او اقطع اى حاجه مش تشرد بقى

بس الحمد لله بقيت طيبه بس مش اوى يعنى ههههههههههههههه

[شذا الورود]

موضوعك جميييييييييييل اوي
بالنسة لية انتي عارفه طفولتي
يعني كنت شقية شقية شقية
بس كمواقف ظريفة مش فاكرة كتير
بس اخويا قالي و من غير محد ما يضحك عليا
اني و أنا صغيرة لما كنت بزعل كنت بخبط راسي في الحيط
هههههههههههههههههههههه بس دلوقتي طبعا معنتش بعمل كده خالص
عموما شكرا كتييييييييييييييييير على الموضوع المميز

[داليا]

بلاوى وكوارث
ههههههههههههههه
هى دى طفولتى
انا ليا اخ توئم فمش عايزه اقولكوا على البلاوى اللى كنا بنعملها
ولغايه دلوقتى والله
بس مشكلتى كنت شريره اوى وانا صغيره
كنت انا العقل وتوئمى التنفيذ
ويا حرام هو اللى كان يضر فى الاخر
مره انا وهو كسرنا ازاز كنتين المدرسه
ومش فاكره ليه والله
هههههههههههه
وكان ليا جارى ديما يضربنى وكان معايا فى المدرسه
فكنت اطلع لطنط واعيط واقولها محمد ضربنى تروح مزعقه له
ههههههههههههه فكنت افرح اوى
وكان اخويا بيطنش ومش يعمله حاجه
وفاكره لما كنا انا واخويا ولف
نقعد مع بعض بحجه المذاكره وماما
كان تفرقنا واحد فى الانتريه والتانى فى السفره والتالت فى البلكونه
عشان منتكلمش وبرضو مكناش نذاكر هههههههههههههه
والله ايام تجنن وتحفه ياااااااااااااااااااااااا ااه لو ارجع طفله تانى
ياريت ايام زمان ترجع لانى نفسى العب زى زمان
من غير ما حد يقول حاجه

[ذكريات الماضي]

شذا انا طبعا عارفه انتي هتقوللي علي شقاوة زمان انتي كنتي عفريته بس دلوقتي مفيش اطيب منك حبيبتي .
وبقولكم كلكم بأسم بريف منورين الموضوع وعايزين حاجات كده مستخبيه من الي كانت بتتعمل زمان هههههههههههههههههههههه

[the brave soldier]

شكرا بجد ابو جوده وهوبى على ردكم بس اكيد كان فى حاجه مميزه بتعملوها انتو صغيريين دوروا عليها كده وقولولنا.

ضروري الفضايح يعني؟؟؟؟

ولا فضائح ولا حاجه يا ابو الشود اكيد كنت بتعمل مقالب فى اصحابك قولنا علشان نستفيد منك هههههههههههه وشكرا على ردك يا جميل.