النهاردة هنتكلم عن موضوع مهم جداً وهو ازاي نلفت نظر اللي بنحبه عشان نعرف اننا بنحبه من غير مايبان اننا بنحبه "والله مانا فاهم حاجة".
المهم دا موضوع طبعاً أنا واثق انه شاغل كثير من البنات والشباب وأنا مستني ايميلاتكم واتصالاتكم. ههههههههههههه
ومعانا تليفون ونقول آلوووووووووووو
المتصل: ازيك يا سلامة علي فكرة موضوع الحلقة النهاردة يجنن وأنا بحبك قو ي يا سلامة وماما كمان بتحبك موت.
سلامة: ربنا يخليكي بس انتي موطيه صوتك ليه بس؟
المتصل: اصلي بتكلم من تحت السرير ماأنت عارف بقي أننا مجتمع شرقي ومتخلف فيها ايه يعني لما بنت تكلم واحد الساعة 1 بعد نص الليل مش فاهمة أنا ايه الرجعية دي المهم خلينا في موضوعنا أنا ياسلامة اسمي باكينام وبحب ولد زميلي في الكلية وهو مش حاسس بيه ياتري اعمل ايه معاه؟؟
سلامة: بصي في كذا طريقة أولها انك تيجي قدامه وتعملي انك اتخبطي فيه وتوقعي كتبك وهو أكيد هيلمها معاكي تروحي وش ماسكة ايديه علي انها الكتاب "قال يعني ايده ملمسها ورقي" وتروحي مسبله بحنيه ورقة وقايلاله معاكش سيجارة فرط يازميلي.... والمفروض انه لو انسان رومانسي هيفهم انك بتموتي فيه.
لو ماجبتش معاه ممكن تجربي طريقة ثانية: ممكن تخليه ماشي في الشارع وتسلطي واحدة صاحبتك تعاكسه ولما هو يضايق قوي من المعاكسة ويبقي خلاص هيعيط تدخلي انتي وتروحي ضاربة صاحبتك قلمين "هتدفعي تمنهم طبعاً بعد الفيلم ده" وتقوليله لا مؤاخذة يا كابتن أصل البنات مبقاش عندها رحمة اليومين دول ومبقوش پيفرقوا بين الولد المؤدب والولد اللي سيكو سيكو
وهو لو بيفهم أكيد هياخد موبايلك وابقي احكيلي بقي علي الباااااااااااقي لو منفعتش معاه ولا حاجة من الكلام ده يبقي اتأكدي بقي من نفسك الأول وباهديلك اغنية "ليه يازمان مسيبتناش ابريااااااااااااااااا"
اعزائي المستمعين في انتظار مكالماتكم وترقبوا الحلقة القادمة.
.........
ايهاب جمال
هوووووبى
)
