هونت ازاى ؟؟؟؟؟؟

[l-lo0oBy]

جالك قلب ازاى تنسانى

والحب كله تبيعه فى ثوانى

دا انت كنت عمرى وحياتى

حبى عشقى .. روحى وكيانى


هونت ازاى على قلبك قولى ؟؟

دا انا كنت معاك وفداك تملى

مش حرام وأنا كلى معاك

تبعد وتروح بهواك

وأفضل انا عايش بستناك

يمكن ترجعلى تانى



عمرى اللى فات كان عشانك

كنت بفرح وبحزن بدالك

وانت نسيت ياغالى

سهرى الليالى وتعبى عشانك

.......

ايهاب جمال

هوووووووبى

[SoSo_MaShKeL]

مبعدتش وهرجعلك تاني
وفي قلبي شيلالك كل حناني

مهنتش يوم عليا
ده انت كل الدنيا ديه

كنت بشوف حبي في قلبك اد ايه
كنت بشوف لو هبعد هتعمل ايه

كنت عايزة احس بحنانك
ده انا قلبي كله بقا علشانك
_-_-_-_-_-_-_-_-_-_-_-_-_-_-
طبعا كلامك كالعاده رائع بجد
تسلم ايد يا عثل

مع حبي...
SoSo_MaShKeL

[Love.For.Ever]

بجد جامد جدا يا هوووبى الموضوع

مش جديد عليك كلماتك الرائعه

اتمنه منك المزيد

[أبو الشود]

الله الله

اهو ده الكلام التمام ودي الردود التمام

تسلم ايدكم انتو اللتنين

حوار يجنن

اتفضل رد يا سيدي

ههههههههههههههههههههه

جالك قلب ازاى تنسانى

والحب كله تبيعه فى ثوانى

هونت ازاى على قلبك قولى ؟؟

مبعدتش وهرجعلك تاني
وفي قلبي شيلالك كل حناني

كنت بشوف حبي في قلبك اد ايه
كنت بشوف لو هبعد هتعمل ايه

كنت عايزة احس بحنانك

حجة جامدةةةةةةةة

[l-lo0oBy]

شكرا ياسوسو على مرورك وتعليقك الجميل

[l-lo0oBy]

شكرا لف على مرورك الجميل

نورتى

[l-lo0oBy]

نورت يا أبو الشود

بس والله بلاش الكبير دا ياعم أحسن فيه ناس هنا مخها تعبان:d

[batchy_mix]

انا جنبك مش هبعد تاني .
انت اللحظة في قربك هي كياني
كل العمر انا عشته بحبك .
كنت اتمني نرجع تاني
سيبتك تسمع صوت الحب بيسكن قلبك .
او تتأكد اني وهبتك كل حناني
لسة بحبك بكرة وبعده وكل زماني .
لسه انا عايزك حزنك فرحك يبقي عشاني
لما انا ابعد او اتغير .
يبقي بقولك ارجع تاني

[batchy_mix]

ايهاب انتي بجد موهوب جدا استمر ربنا يوفقك
وعلشان انا بحبك اوي انا هقولك علي سر بس ماتجيبش سيرة لحد
انا بكتب الايام دي حاجة هتعجبك اوي اسمها(لسة بدري)
ياريت تبقي تمر وتقولي رايك

[l-lo0oBy]

أكيد ياجميل حتابعك طبعا

ومتخافش سرك فى بير

وشكرا على مرورك وتعليقك الرائع دا

نورتنى