الشباب النصاب .. النصاب الرومانسي (2)

[رحيق الجنة]

(2) النصاب الرومانسي

في الغالب بيكون واقع في مشكلة : مشكلة في البيت أو مشكلة عاطفية - أي مشكلة والسلام - ويا عيني دايما بيكون بيكون مظلوم وتعبان وبيتقطع والدنيا كلها عليه ( وملقاش غيرها يشكيلها على أساس هي المنقذ !!) . لكنه صامد بس عشان رجولته ، ولما بيقعد لوحده يقعد ييعيط ويسمع عبد الحليم ويشتكي ظلم الأيام له !!
(أنا تعبان ومتضايق وحاسس بالوحدة ومحدش فاهمني غيرك ، وباستريح معاكي انتي بس )
كلامه دايما عن الحب والعاطفة وازاي إنهم أسمى شئ في الوجود ، ولو كاتب 10 سطور هتلاقي 9 منهم ( حب / عاطفة / رومانسية / قلب / عياط / دموع / خجل / مشكلة ) حاجة تجيب غثيان يعني
حافظ كل المطربين والمطربات والممثلين والممثلات ومتابع الأفلام الرومانسية القديمة والجديدة ، وتحس كده من كلامه إن الواد ايه : لو الدنيا كلها وقفت بينه وبين "أخته" - اللي هي البت بتاعته يعني !! ( اللي غالبا بيحكي مغامراته معاها لأصحابه إلا إذا كان ملوش أصحاب ولاد أساسا ) - هيتغلب عليها ، ومش هيهتم بأي حاجة عشان علاقتهم "الطاهرة البريئة" - اللي ميقدرش يقول لأبوه عليها ولا تقدر تقول لأبوها عليها - تفضل زي ما هي ( أنا باقولك الكلام ده بس عشان انتي زي أختي !!)

نصيحة : طبيعة البشر كده : الرجل بيميل للكلام مع البنت والعكس ، ودي غريزة ربنا خلقها لكنه في نفس الوقت وضع قوانين تنظمها لأن في النهاية الندم والدموع الحقيقية مبترجعش حاجة - ولأنه في النهاية الله سبحانه وتعالى هو اللي هيحاسبنا على العلاقة "الطاهرة البريئة" دي بين اتنين اخوات!!
نصيحة تانية : تأكدي إن أي حاجة مكانها الظلام فهي غلط - محدش بيتكسف يقول (فلانة دي مراتي) أو يقول ( فلان ده أخويا وحبيبي) ، لكن تقدري تقولي للناس أو حتى لأهلك (فلان ده أخويا ومفيش بينا أكتر من كده ) ؟

[۞ عاشقة الفردوس ۞]

تعددت الطرق والنتيجة للأسف واحدة

فيازهرة تأبى قلوب الطاهرين ان تراها ذابلة ... انتبهى اليهم حبيبتى ولتعلمى انك الخاسرة ان استمعتى لأكاذيبهم

فما أجمل قلبك الأبيض الطاهر إذ لم تمسه كلمة عابث منهم .. ما أجمله وهو بريء ، لا يحمل الا البراءة والصدق ..

تسلمى اختى الحبيبة رحيق الجنة

وجزاكى الله كل الخير

أسأل الله عز وجل أن يحفظ نساء المسلمين

تحياتى لكى غاليتى

[رحيق الجنة]

المشاركة الأصلية كتبت بواسطة عاشقة الفردوس

تعددت الطرق والنتيجة للأسف واحدة

فيازهرة تأبى قلوب الطاهرين ان تراها ذابلة ... انتبهى اليهم حبيبتى ولتعلمى انك الخاسرة ان استمعتى لأكاذيبهم

فما أجمل قلبك الأبيض الطاهر إذ لم تمسه كلمة عابث منهم .. ما أجمله وهو بريء ، لا يحمل الا البراءة والصدق ..

تسلمى اختى الحبيبة رحيق الجنة

وجزاكى الله كل الخير

أسأل الله عز وجل أن يحفظ نساء المسلمين

تحياتى لكى غاليتى

يعجز لساني عن وصف روعة اسلوبك

جزاكي الله خيرا
و قلت قبل ذلك ( وجودك في اي موضوع دائما اضافة له )

شكرا على الرد

[أبو الشود]

والله وانا عاجز عن تقييم كلامك وطريقتك بسرد الموضوع

الحلقة الأولى كنت فاكر انك سمعتي عن واحدة اتنصب عليها بالطريقة دي وكتبتي الكلمتين دول قاصدة تهيني الشباب

بس بعد ما السلسة ابتدت تكمل

ابتدت الصورة توضح

وانا رأيي انك تستعجلي بكتابة باقي الحلقات عشان نعمل اقتراح للأدارة بجمع الحلقات كلها بموضوع واحد ويتحط كموضوع مثبت بقسم المواضيع المميزة نظرا لأهمية الموضوع وجديته

تسلم ايدك يا اخت رحيق ومستنيين باقي الحلقات

[رحيق الجنة]

المشاركة الأصلية كتبت بواسطة أبو الشود

والله وانا عاجز عن تقييم كلامك وطريقتك بسرد الموضوع

الحلقة الأولى كنت فاكر انك سمعتي عن واحدة اتنصب عليها بالطريقة دي وكتبتي الكلمتين دول قاصدة تهيني الشباب

بس بعد ما السلسة ابتدت تكمل

ابتدت الصورة توضح

وانا رأيي انك تستعجلي بكتابة باقي الحلقات عشان نعمل اقتراح للأدارة بجمع الحلقات كلها بموضوع واحد ويتحط كموضوع مثبت بقسم المواضيع المميزة نظرا لأهمية الموضوع وجديته

تسلم ايدك يا اخت رحيق ومستنيين باقي الحلقات

شكرا جزيلا يا استاذ ابو الشود على متابعة الكلام والموضوع وجزاك الله خيرا على الاهتمام

[داليا]

حلو اوى
لو الدنيا كلها وقفت بينه وبين "أخته" - اللي هي البت بتاعته يعني !! ( اللي غالبا بيحكي مغامراته معاها لأصحابه إلا إذا كان ملوش أصحاب ولاد أساسا ) -
ههههههههههههههه
عجبتنى اوى الجمله دى بس ليا اعتراض على نصيحتك هى ان البنت تميل للتحدث مع الولد والعكس انا مش شايفه انها صح لان ديما صداقه البنت بدوم اطول ما بدوم الكلام بين الولد والبنت ودا لان مش بيكون بينهم اكتر من مجرد كلام

[رحيق الجنة]

معلش حسب الدراسات النفسية ان فعلا الولد بيميل للكلام مع البنت والعكس

بالاضافة لو مكنش كده مكنش حرم الاسلام كلامهم بدون فائدة مع بعض

[zAiNaB 86]

تسلمي على الموضوع رحيق الجنه..

نصيحة : طبيعة البشر كده : الرجل بيميل للكلام مع البنت والعكس ، ودي غريزة ربنا خلقها لكنه في نفس الوقت وضع قوانين تنظمها لأن في النهاية الندم والدموع الحقيقية مبترجعش حاجة - ولأنه في النهاية الله سبحانه وتعالى هو اللي هيحاسبنا على العلاقة "الطاهرة البريئة" دي بين اتنين اخوات!!

اكيد كلامك صح...
العلاقة الاجتماعيه بين الرجل والمرأه
اللي هي الصداقـه ، حـب الخ .. لازم ما تتعدش الحدود..

والندم اكـيـد مش هينفع بعد كده اذا مكنتـش
العلاقـة واضحـه ومن غيـر مشاكـل..

[شذا الورود]

قلت قبل كده ان الموضوع هايل
معنديش اكتر من الي قلتيه
جزاك الله كل خير على الموضوع