* سيادة اللواء يحي الفخراني : حسنا فعلت بتخصيص القريه الاوليمبيه للاسماعيلي فلا امل في رجال اعمال اسماعلاويه ولن اقول رجال اسماعلاويه.
* المهندس يحي الكومي : فكره عضويه النادي الاجتماعي بمبلغ 20 الف جنيه كفكره فقط ممتازه جدا ولكن ... ليس مع رجال الاعمال الاسماعلاويه للاسف ... وايضا ليس هذا هو المبني الذي يليق بمبلغ 20 الف جنيه ... فهو يا دوب علي قد العضويه ام 180 جنيه كويس جدا وياريت تشوف مباني الانديه الاخري بنفس مبلغ العضويه البسيطه ومدي شياكته وتفوقه علي مبني النادي الاجتماعي............ وربنا يعينك ويقدرك تنفذ الفكره دي بمبني علي قد ال 20 الف جنيه
* مسئولي الاسماعيلي جميعا علي مر العصور : الا يستحق اعضاء الجمعيه العموميه بالاسماعيلي مكان ومبني يليق بهم دون دفع مبالغ باهظه؟
* الكريمه نجلة المهندس يحي الكومي : بابا ما عملش للاسماعيلي سمعه كبيره في كل حته ... سمعه الاسماعيلي موجوده من زمان في كل الدنيا ... وبلاش نقول مين عمل لمين السمعه الكبيره
* الكابتن سيد عبد الرازق : حمزه ورضا لم يبقيا في الاسماعيلي باراده الاهلي ولا بكرم اخلاقه التي نبحث عنها اصلا منذ القدم .. وانما باراده جمهور الاسماعيلي الذي صنع اسم بازوكا بهتافاته ..... فهل تعرف بازوكا يا كابتن سيد؟ ياريت بازوكا يرجع ويعرف كمان انه اكبر من اللعيبه الموجوده دلوقتي ..... وانه مدير كوره في الاسماعيلي مش
ضيف في برنامج في التليفزيون المصري
* الكابتن حسني عبد ربه : ننتظرك بعد كل ما حدث في مباراه الاهلي القادمه ............ ربنا يستر
* لاعبي الاسماعيلي الابطال : بالفعل انتم الاعلي فنيا من لاعبي الاهلي ..... ولكن .... البطوله تاتي بالفنيات مع اشياء اخري .... اهمها التركيز وهدوء الاعصاب ... والاراده القويه .. ثم التفكير قبل الاندفاع والتهور
* مجلة الاسماعيلي : انتي فين ؟؟
* رجال الاعمال الاسماعيلاويه : انتم كمان فين؟؟ ولا شرط الحصول علي رخصه مزاوله الاعمال هو التخلي عن شعب اسماعيليه والاسماعيلي؟؟
* الكابتن اشرف شاكر : مين اللي كلمك في الفاصل؟ اخوك ولا مسئول في التليفزيون ؟؟؟؟؟ مانت كنت ماشي كويس ............ بس برضه انت نجم وبنحبك وشكرا علي صراحتك قبل الفاصل
* الكابتن حمص : انت الامل والمني في الماتش الجاي بصراحه ............ ودي وجهة نظري بجد
* الاهلاويه : مفاتيح لعب الاهلي معروفه ... هاتعملوا انتم ايه بقي في سلسله المفاتيح اللي عندنا ؟؟ فيها 11 مفتاح وطفاشتين علي الخط
* الزمالكاويه : في ماتش الاهلي هايبان كل شيء
* اتحاد الكوسه : لجنه المسابقات اكيد شغاله دلوقتي كويس لان ..... البطيخ طلع
* محترفي حدف الطوب والشتائم : مش بتقولو اللي بينضرب بالطوب هو النخل العالي؟
خلاص بتحدفونا ليه؟
* الكسول : مازلت تنتظر سياره مرسيدس باتنين جنيه وبرضه مش عاجبك ... لا وكمان دلوقتي عاوز لها سواق شاطر علشان تتامر عليه براحتك لانك مش فاضي تسوق
المرسيدس ام اتنين جنيه
* سيادة المهندس يحيي الكومي مره اخري : بصراحه انت تستاهل تمثال دهب علي كل مجهودك الخرافي السابق ......... خليتنا ننكسف نطلب منك المزيد ... ومنهم لله اللي كانوا السبب
***************************************
اللهم قنا شر الكسل
اللهم اني اعوذ بك من الهم والحزن .. والعجز والكسل .... والجبن والبخل ... وغلبه الدين وقهر الرجال
اللهم آمين
العرض العادي
