السلام عليكم
دى اول مرة اتكلم فى السياسه او اتكلم فى موضوعات
زى دى بس بجد انا اتخنقت اتخنقت من الى احنا
بنشوفه كل يوم ومن كل شئ انا دايما اقول ابعد عن
الكلام الكبير وتلاقونى دايما مهتمه بموضوعات بعيدة
عن جوانب الحكم والدولة والكلام ده بس انا اتخنقت
بجد ولما جيت علشان افضفض النت فصل يا لهوى
حرام ده من ضمن الفقر الى فى حياتى لما اجى
اتكلم فى حاجة مهمه حاجة تعجزنى بس انا هحط
الموضوع ده مهما كانت الصعوبات
انا عايزة اعرف فين الديموقراطيه الى فى بلدنا
وفين حرية الراى والتصرف وى الحاجات الى
بنسمعها فى التليفزيون والراديو والدش وغيره
من وسائل الاعلام انا عايزة اعرف فين الكلام
ده انا مش شايفه اى ديموقراطيه فى حياتنا مش
شايفه ان فى حد بيقول رايه وبراحته محدش
عارف يتكلم وكلنا بنخاف نتكلم لان كل كلمه
بتتقال محسوبة علينا كل واد فينا جوه نفسه خايف
ان فى حد هيجى من وراه ياخده يرنه علقه
محترمة وبعدين الله اعلم بقه مصيره ايه هيرموه
ورى الشمس ولا هيحاكم ويتعامل معاملة الارهابى
بلاش نتكلم فى الامور السياسيه
ابسط مثال انا كان معايا خط موبيل اوك وكلنا
عارفين ان اى حد فينا ممكن يشيل موبيل وخط
دلوقتى الخطوط بقت زى الرز ومفيش اى مشكله
وسعرها مفيش ارخص من كده والصلاحية بقيت
مدى الحياة واشطه وكله تمام المهم انا الخط
بتاعى كان ماشى على نظام من الانظمة
( ميه ميه مكالمات ) الى كل يوم بتتغير نزلوا
هما نظام تانى جديد بقالى تقريبا سنه ونص
( الى هو سوبر دردشة ) المهم لقيت الشركة
المحترمة مغيره النظام الى كان عليه خطى
وحولوا الخط بتاعى منغير علميى لنظام الجديد
الى هو دردشة المهم انا اتغظت اوى لان كان فى
امكانى انى اغير الخط بتاعى وبمزاجى الى
النظام الى يريحنى ومش كان هيكلفنى كتير يعنى
التغير كان بالمجان عادى اتصل ب 880 واغير
لاى نظام بس انا كنت مرتاحة عىل النظام الى
انا كنت فيه المهم اتصلت بيهم وسالتهم انتم ليه
تغيرونى من نظام الى نظلم تانى على العلم انه
كان من الممكن انى اغير النظام ال كنت عليه
يرد المحترم ويوقولى احنا غيرناكى علشان شايفين
ان ده فى ميزة ومصلحة ليكى يعنى احنا بنعمل على
راحة العميل بتاعنا قولتله انا عارفه مصلحتى فين
اه انا شايفه ان سوبر دردشة فيه مميزات كتير بس
برضو انا المفروض الاى ليا حرية الاختيار يعنى
انا الى احب استعمل الخط بتاعى على اى نظام
قالى بس انا مستغرب انتى اول واحدة تشتكى كل
الناس احنا غيرنا ليها النظام وبعدين احنا غيرنا
كل الناس للنظام ده قالى لان فى ناس مكنتش تعرف
ازاى تغير الى النظام ده قولتله يا سلام ازاى
يعنى ده الناس نايمه قايمه على نظام سوبر دردشة
ازاى يعنى مفيش حته فيكى يا مصر الا وفيها
اعلانات سوبر دردشة مفيش قناه فيك يا تليفزيون
الا لما فيها اعلانات سوبر دردشة يعنى الناس
شايفه وعارفه ايه هو سوبر دردشة وبعدين الناس
الى انت غيرتهم دول مش كان فى امكانهم انهم
يغيروا لنظام سوبر دردشة دى بمزاجها اه النظام
الى انا كنت عليه كان سعر الدقيقه فيه غالى بس
انا كنت عامله حساب لنفسى مثلا لما كنت بشحن
كارت ب 100 عارفه انه هيقعد معايا مثلا 3 شهور
يعنى كنت عامله لنفسى حساب مش بتخطاه لكن
سوبر دردشة فيه سعر الدقيقه فيه قليل بس انت
بتغرينى انى اتكلم يعنى الحدود الى عملاها لنفسى
هتروح
قالى الشركة مش ليها دعوة تغيريكى ولا لاء
قولتله ماشى يا سيدى انت مش ليك دعوة انى
اتكلم ولا متكلمش بس بجد انت كده كسرت الحدود
بلاش يا سيدى كلام عن الحدود وغيره لان فعلاه
ده مش يخصك بس انت غيرت حاجة انا كنت
مقتنعه بيها وكده عارفين رد عليا وقالى ايه قالى
انسه مارو ايه الهدف من مكلمتك دى قولتله
الهدف انى اعرف انتم ماشين ازاى وعايزة
افهم برضو انتم عاملين كل الانظمة دى ليه
مدام انتم بتمشونا على مزاجكم طب ماتختارو
للناس الى انتم عايزينه وخلاص ومش توجعوا
دماغنا بالانظمة والكلام الكبير بتاعكم ده
وياسيدى احنا علينا نشحن وخلاص وانتم تغيروا
الى انتم عايزينه وخلاص قولتله بلاش ياسيدى
حته حدود قولتله لو نفرض انت معاك حاجة
ومقتنع بيها ميه بالميه والناس عماله تقولك يا عم
سيبك ده مش عارفه ايه احسن منه وانت شايف انك
مرتاح مع الى انت مقتنع بيه ونمت صحيت الحاجة
الى انت مختارها عن اقتناع ولقيتها اختفت ولقيت
حد فارض عليك حاجة انت مش عايزها على الرغم
انها مميزة وعشرة على عشرة احساسك انت هيكون
ايه هتبقى مبسوط هتحس بايه فسكت
ده مثال صغير اوى من الى بيحصل لينا طبعا
شركة الاتصالات اى كانت حاجة صغيرة من الواقع
الى احنا عايشينه بجد مثال صغير اوى هو قال انه
بيعمل على مصلحة العميل بتاعه كلام جميل بس
هو بيتحكم فينا فاختيارنا وقال هيا دى الديموقراطية
وحرية الراى انا اتخنقت حاسه ان كل حاجة مش
بعملها بمزاجى حاسه ان كل حاجة لازم اعملها زى
مالى حواليا عايزنهاا طيب ولحد امتى هنمشى
بمزاجهم فين حقوق الانسان فين حرية الراى
فين الى قولتله ده ميجيش واحد على عشرة من
الى انا حاسه بيه انتم رايكم ايه الحل فى وجهت
نظركم لحد امتى هنسكت ونفضل ماشين تحت
تاثير المخدر الى هما معيشنا فيه لحد امتى على
فكرة يا جماعه انا مش عارفه اقول ايه انا اتخنقت
والله العظيم امسك اى جرنان الحرية الديموقراطيه
وى وى وى ......... كلام كتير بس كل ده شعارات
كلام فى الهوى يا ليل للاسف فوقوا بقه حرام حرام
الى بيحصل لينا ده واحنا ساكتين حرام بقه فين احنا
من الديموقراطية
عيب اوى الى بيحصل ده عيب وانتم واقفين تتفرجوااا
العرض العادي
