اعذرنى يا قلبى وسامحنى اعذرنى لسجنى لك وحبسك وحتى مفتاح قفلك مش معايا اديته لطير وطار بيه لبعيد معرفش فى اى صحرا ولا غابه فى اى بير ولا بحر او على اى ارض رماه ودفنه لانى خفت يا قلبى اسيبه فى ايدى فاضعف فى يوم وافتحلك وخفت اسيبه فى مكان بعيد اعرفه فاضعف واقول السر للاول واحد يستاذن لدخولك اعذرنى اصل الدنيا بقيت قاسيه اوى وانا خايفه عليك اصلا الناس بقت تستسهل الجرح اعذرنى وصالح نفسك عليا انا من حبى ليك بخاف عليك وبحافظ عليك من الجرح يا قلبى كفايانا صراع ملناش غير بعض اقبل اعتذارى وسامحنى
تحفه حلوه اوى يا بنوته وانا عارفه انها من جوا جوا قلبك وكلمتها كلها صحيحه لان لازم لما نحب نحب بعقلنا وقلبنا
ولازم نحافظ على قلبنا جدا علشان ميجيش يوم ويتجرح لان مفيش اصعب من جرح القلب واكييد قلبك مش هيزعل لما يعرف انك بجد خايفه عليه من الجرح كلماتك حلوه اوى ويارب كل حاجه تحسيها تكتبيها واحنا مستنين كتاباتك وتسلمى على الكلمات
نيرو اكيد يا نيرو لازم نحافظ على قلوبنا لانها اغلى حاجه نملكها ولازم نحافظ عليها من الجرح
لف خلاص يا لف مكنش ليها لازمه الفضايح ههههههههههههههههههههههه واكيد موافقى ان اصعب حاجه فعلا جرح القلب
هوبى ربنا يخلينا ويا عم متخفش مش هقسمك فى لقمه عيشك ودى ولا جامده ولا حاجه احنا هنروح منك فين انت ملك الرومانسيه والكتابه كلها مرورك وردك هو الى جامد بجد
أحبكم فى الله 
