احنا ليه ملقبين باللقب دا بجد حاجه محيرانى احنا الشعوب المتخلفه طيب ليه مع ان مش دا مكاننا الحقيقى
احنا اكبر من كدا بكتير ونستحق ما هو افضل مش بقول كدا عشان انا من الدول الناميه او المتخلفه التابعه
انا بقول كدا لان دى الحقيقه احنا فى وطنا العربى الاسلامى نمتلك الكثير من الثروات الطبيعيه
الى للاسف مش بنستغلها كويس او بما يرضى الله عندنا البترول الى بنبيعه للدول الراسماليه مقابل شويه دولارات
لا هيودوا ولا هيجيبوا بس هما بيخدوا الفلوس اضعاف مضعفه بالسلع الى بنستوردها منهم بعد ما يصنعوها بالبترول
والموارد بتاعتنا وعندنا الموارد البشريه وعندنا عقول مفيش زيها هما بياخدوا كل دا وبيستغلوه صح
وعندنا ما هو اعظم من دا كله عندنا الاسلام الى لو اتبعناه بحق هنبقى اعظم شعوب الارض اسلامنا بيحسنا على
العمل والتعاون بيحثنا على التقدم
ومش عارفه ايه السبب
مش عارفه يمكن السبب
1_ بعدنا عن دينا الاسلام وبعدنا عن كل ما يحثنا الاسلام عليه
2_ ولا كره الدول العربيه لبعض ورفض التعاون مع بعض
3_ولا انا احنا خدنا على ان نكون تابع وان مش ينفع احنا الى نبتدى
4_ ولا الحكومات الى مش بتشجع شبابها على التقدم
ولا ولا ولا و.....................
بجد مش عارفه والى عارف يقولى
انا رافضه بجد يطلق عليا انى متخلفه او انى تابعه انا ارفض دا بشكل قاطع لانى استحق اكتر وكل عربى يستحق اكتر
تفتكروا بايدنا ايه احنا الشباب عشان منبقاش متخلفين عشان نغير من تصنيف بلادنا طالما حكومتنا راضيه بدا
