وجهة نظر تانية

[أبو الشود]

أولا أكيد بشكر مسلم اللي نفذ وجهة النظر الأولانية بنقل قسم الموضوعات المميزة

تانيا انا عندي اقتراح تاني ويا ريت اشوف ارائكم عليه وتناقش بتفاصيله عشان مسلم باشا ياخد قرارنا النهائي وينفذه

انا من فترة لاحظت انه في مواضيع بتتكتب ومش بتتلطش ومش بتنتهي

يعني القصد انه بيكون عبارة عن حلقات وأبرز كتابهم مشرفة قسم الشباب

وفي الحالة اللي زي دي العضو الجديد اللي هيدخل هيلاقي الحلقة العاشرة ومش هيعرف يطلع الحلقات اللي قبل كده

عشان كده ومن الآخر الأقتراح هوا التالي

يتعمل قسم فرعي في قسم الشباب يكون اسمه شباب عصرنا في حلقات

أو شباب روش طحن او اي شيء

المهم ده مش يتكتب فيه غير مواضيع بحلقات وتكون مؤلفة من قبل كاتبها ومش ملطوشة

اتفضلو ناقشو الأقتراح

ولكم مني كل الأحترام لوجهات نظركم

[buffy]

كانت بتراودنى الفكره دى
تكون فى اقسام فرعيه متخصصه او بتهتم بفكره معينه
تسلم افكارك المذهله يا ابو الشود

[أبو الشود]

يسلم مرورك يا بافي

ومش جديد عليكي التفكير برقي الفرسان

منورة

اول صوت بأه معانا اهو

[حكــ روح ــاية]

أنت عندك حق يا أبو الشود

انا من زمان كنت عايز اقول ان برده منتدي الشباب لازم يتعمل فيه اكتر قسم

وكل قسم هيناقش حاجة معينة

وتحياتي لك لافكارك الجميلة

[داليا]

انا كنت فى الاول موافقه بس بعد كدا رجعت فى كلامى
ليه بقى

لان لقيتها هى هيها
يعنى دلوقتى الى هيكتب حلقات ما برضو هترجع لصفحات ورا
يعنى برضو العضو هيحتاج يدور على الحلقات القديمه

ممكن العضو نفسه يحط لينكات الحلقات الى فاتت فى
الحلقه الجديده

وشكرا يا ابو الشود وياريت لو انا مش فاهمه صح توضح
ليا اكتر

[فارس اليكس]

ايوة يا شادي انا موافق برضوا فكرة حلوة قسم فرعي يهتم بكل مشاكل الشباب لان مشاكل الشباب كتير جدا واكيد القسم الفرعي دي هيكون ليه تاثير ايجابي علي المنتدي

تسلم يا شادي افكارك جميلة يا غالي

[أبو الشود]

تايجر

مشكور لمورورك وموافقتك

بنوتة

انه الواحد يدور في قسم ما فيهوش غير عدد قليل من اسماء المواضيع والفرق بيكون برقم الحلقة اسهل وأهون من البحث في قسم مليء بشتى انواع الأسماء
وما تنسيش انه النقل عليه هيكون قليل أوي لأنه متخصص بالحلقات بس


طارق
مشكور يا صاحبي لمرورك وموافقتك مع انك وافقت على قسم عير اللي انا قصدته بس برضه مشكور عالموافقة

[حكــ روح ــاية]

المشاركة الأصلية كتبت بواسطة بنوته زملكويه

ممكن العضو نفسه يحط لينكات الحلقات الى فاتت فى
الحلقه الجديده

انا موافق بنوته فى الجزء ده

لان في بعض من الاعضاء ممكن ميتعبش نفسه انه يدور على باقي الحلقات

انما لو في بداية كل حلقة جديدة

تعمل تنويه ( تنبيه ) عن الحلقة السابقة بلينك تمام

وبعد كده تعمل مسلسل بالترتيب الحلقات وتحط اللينك المرتبط بكل حلقة

وتحياتي لكم ولكل افكار جديدة مبدعة

اشكركم

[abou-goda]

السلام عليكمم ورحمه الله وبركاته
ابو الشود دايما باهرنا بمواضيعك وافكارك
والله الواحد كان بيفكر ازاي يثبت الحلقات ده بس انت جيت وقولت علي المفيد طبعا انا معاك في فكرتك وشايف اننا ممكن نسهل علي العضو الكسول البحث اننا نعمل فكره بنوته في تزويد الحلقه الاولي بباقي اجزاء الحلقات الاخري مع وجودها في نفس القسم الفرعي
تحياتي ابو الشود

[أبو الشود]

والله فكرتك هايلة يا ابو جودة

يعني انت جمعت فكرتي وفكرة بنوتة مع تعديلات تايجر يفكرة واحدة هايلة

انا من ناحيتي تنازلت عن فكرتي وتبنيت فكرة أبو جودة لنها فعلا أصح واحسن

منورنا يا أبو الأفكار الجامدة

يا ريت اللي يدخل بعدي يصوت على فكرة أبو جودة