اولا ميرسى يا جميل على الموضوع
ثانيا انا عايزه اكمل على اقتراح بافى وهو ان ممكن كمان ناس تحرج انها تبعتلك مش علشانك انتى كشخصيه لا طبعا بس هو انهم يبعتوا لحد اصلا فا فى اقتراح ممكن نعمل يوزر جديد على المنتدى خاص للموضوع ده بس ويتحط هو والباسورد بتاعه فى اول الموضوع واى حد ممكن يدخل بيه ويكتب اللى عايز يكتبه براحته ومحدش هيعرف هو / هى مين منعا للاحراج .
ثالثا بصى يا زينب انا بجد اكتر حاجه عانيت منها حكايه الاصحاب دى ومتتخيليش حياتى كانت ازاى لحد فتره قريبه مكنش فى يوم بيعدى الا ولازم اكون معيطه من الموضوع ده بس الحمد لله لقيت اللى فهمونى صح وهقولك المشكله من الاساس كانت جايه منين انا اجتماعيه جداااااااا وباخد على الناس بسرعه وللاسف بعتبرهم اصحابى من اول موقف كويس يعملوه معايا وفى منهم اللى كانت دى زى ما انتى بتقولى جر رجل علشان تلبى طلباتهم بس الصاحب اللى بجد بيبان اوى وبيبان انه بيصاحب من غير اى مصالح وزى ما ابو الشود قال ممكن يطلع اللقمه من بؤه علشان يدهالك وهيضحى باى حاجه مهما كانت علشان خاطرك .
انا اعتقد وده من اللى انا شوفته متصحبيش غير حد فاهمك وعارف انتى بتفكرى ازاى والله بجد مش هتستريحى لاصحاب غير اللى يفهموكى وف نفس الوقت يكون انسان كويس يعنى مش هيشدك لمعصيه ولا غيره بالعكس هياخد بايدك علشان تبقى احسن وهيقف معاكى فى الشده والفرح .
حاولى تلاقى اللى تفكيرها اقرب لتفكيرك وواحده تكون بتحبك على شكلك وصفاتك مش بتحاول تغير من منك حاجه غير لو شافت صفه وحشه فيكى .
وان شاء الله تلاقى الاصحاب اللى بجد فى اقرب وقت
أحبكم فى الله 
