بـــــــــــرتــــــاح مـــــــــعاك ...

[l-lo0oBy]

بـــــــــــرتــــــاح مـــــــــعاك ...

طبعا دا اسم أغنيه عمرو مصطفى وشدنى الاسم اوى
سؤال غريب اوى جالى بصراحة وانا بسمع الاغنيه..
احنا بنرتاح لمين ؟؟
صاحب او صديق .. مافيش منة دلوقتى كتير ..
حبــــــــــــــــيب .. بقى اصعب من الاول فعلا ..
طب مين .. البيت .. بابا .. ماما .. اخواتى ...؟؟

طب بلاش .. فى ناس بترتاح لما تتنرفز وتطلع غضبها مع شخص ما او شىء معين .. تكسرة مثلا ..
يعنى تدشدش البيت ..

وناس تانية ليها الف طريق للراحة .. مش عارف بجد ..
موضوع محير حتى واحنا بندور على راحتنا محتارين اوى اوى ..

ياترى ايه بيريحكم

.....

ايهاب جمال
هووووووووبى

[maroo]

انا الى بيريحنى مش موجود او اصبح نادر الوجود يعنى معدتش موجود خالص خالص ونادر لما تلاقيه ولو لقيته هتلاقيه ناقص ومش مكتمل للاسف نفسى الاقى الحب الى بجد الحب الى مش يشوبه اسلوب العصر الى هو حب يالاه نفسى نفسى بجد الاقى الحب الى يعووضنى حاجات كتير نفسى الاقى الحب بمعانيه للاسف الحب معدتش موجود ولو موجود مش موجود زى ماانا عايزة للاسف الواحد اتعرض لمواقف كتير واخرها موقف صعب اوى من صديقه لى ولحد النهاردة حبى ليها منعنى انى اكلمها لانى مش عارفه اقولها ايه عايزة اكلمها واعاتبها بس فى نفس الوقت خايفه اخسرهاااااااااا لانى بحبها اوىىىىى وبحاول انى اجد ليها لو مبرر واحد للى حصل منهااااااا اصعب شئ انك تكون بتحب حد اوىى وتتصدم فيه سواء حبيب صديق اى شخص صعب اوى وهنقول ايه مفيش فى ايدينا شئ الحمد لله على كل شئ


بس انت نسيت شئ يا هوبى يمكن المكان الوحيد الى لسه متغيرش ولسه على حاله الا وهو كلنا عارفينه ( بيت الراحة ) ههههههههههههه لا مؤخذه يعنى مشكور هوبى على موضوعك ده والى فعلا وبجد محير لان بجد الواحد معدتش عارف هو بيرتاح فين ولا مع مين

[مرسيليا]

انا لما ببقي في عز العصبية والزعل مافيش حاجة بتريحني وتهديني غير حاجة واحدة بس

انا هاقولها بس ماحدش يتريق

بصراحة انا لما بكون متعصبة اوي واشوق كوكي ( القط بتاعي ) تلاقي حالي اتبدل

بحس ان ليه نظرة طفولية بريئة تخرج الواحد من اي مود عصبية او عفرتة

دة بالنسبة للراحة النفسية

اما الراحة في الكلام بقي فانا طبعا برتاح جدا في الكلام مع أختي الكبيرة

لاني بحس اني بكلم نفسي ومش بحط اي كنترول على كلامي معاها

مرسي يا هوبي على الموضوع وسوري لو كنت طولت في ردي

[أبو الشود]

انا بيني وبينك بتريحني الدشدشة اوي ههههههههههههههههههه

يعني لما أكون متعصب كتير مش برتاح لا مع صديق ولا حبيب ولا اي حد

كام كوباية على كام طبق عالريموت كونترول بتاع التيلفزيون

وراهم سيجارتين تلاتة ارجع آخر روقان بخمس دقايق

ههههههههههههههههههههههههههههه

تسلم ايدك يا ايهاب انت واسألتك المحرجة دي

[BLuE]

هههههههههههههههههههههه

ابو الشووود شو مالك يا رجل اوعى تكون عصبت

انا ممكن اكون زي ابو الشود ف حالة العصبية بس ممكن التكسير يكون تصرف عنيف شوية

لذلك انا اتفادة التكسير و اكتفي بالسيجارة

هههههههههههههه

تسلم يا هووبي

[abou-goda]

هوبي موضوع جميل جدا
صحيح دلوقتي في اكثر من طريقه للراح وباشكالها المتعدده
لكن انا راحتي متعدده
يعني لما اكون مع صديق عزيز ليا لما اكون بتصفح الانترنت
واكتر راحه احس بيها لما بلاقي اللي ادامي بيضحك ليا او مش ليا بس يعني تهمني اوي اشوف ابتسامه علي وجه غيري
ده الراحه بالنسبه ليا وفيه كتير برده بس ده كده كفايه
شكرا ليك هوبي مره تانيه

[فارس اليكس]

موضوع جميل يا هوووبي

بس عارف انا برتاح في الكلام لما اتكلم في حد احس ان هو بيخاف عليا وبيفهمني مشكلاتي كلامي كده يعني سواء شات او قدامي بكلمه او حتي في الموبايل.


ولو مش في حد اكلمه وكده بنزل اتمشي وبرتاح جدا لما اقف لو حدي على البحر واسرح واتكلم عادي اشغال اغاني واعيش لوحدي .. عادي يعني .

[l-lo0oBy]

مارو اهلا بيكى فى صفحتى المتواضعه ومعاكى حق طبعا فى كلامك وربنا يوفقك وتلاقى حب صافى مفيش فيه اى تزييف

مرسيليا شكرا على مرورك وعادى انك بترتاحى مع قطتطك فيه ناس بترتاح لحاجت اغرب من كده

وربنا يخليلك اختك وتتكلموا مع بعض دايما وانتى ولا طولتى ولا حاجه بس انتى ابقى كترى وملكيش دعوه هههههههههه

[l-lo0oBy]

أبو الشود انت ياعم راحتك صعبه ليه كده

على كده محدش عايزك تبقى مرتاح بقى هههههه

بلو شكرا ياجميل على مرورك ويارب دايم تكون مرتاح وبلاش موضوع السجاير دا انت متعرفش انها تسبب الوفاه ههههههههه