أحلام فى أحلام , , , , , ,

[l-lo0oBy]

السلام عليكم ورحمة الله وبركاته



موضوعي بإختصار ... عن الأحلام


مش الرؤى

مش الحلم اللي بتحلم بيه وانت نايم


لأ


عن الحلم اللي بتتمنى إنك توصله

الهدف اللي بيكون حلمك تحققة


فيه ناس كتير منا .. ليها أحلام


فيه اللي ليه حلم كبييير


يقود نظام .. يحرر بلد .. يمسك وزارة عشان يعمل ويسوي .. يكون في منصب معين عشان من خلاله يحقق طموح معين ليه ولكل الناس


فيه اللي أحلامه على قده أوي


يلاقي بنت الحلال ( أو تلاقي ابن الحلال )

يبقه عنده عربيه

يتخرج

يتجوز

يلاقي مكان يعيش فيه

وفيه ناس أحلامها بتتسلسل


وهو طفل عايز يزاكر عشان يدخل ثانوي

بعد الثانوي عايز كليه معينه

وصلها يفكر في التفوق فيها

يتفوق يفكر في العمل

يشتغل يفكر في التميز يتميز .. يفكر في النهوض بنفسه وبالوسط اللي بيشتغل فيه

ودايما أحلامه مش بتنتهي إلا بإنتهاء حياته


وفيه اللي أحلامه بتتسلسل

عايز يدخل كليه .. مدخلهاش ودخل غيرها


حب يتفوق فيها .. فشل

حب يلاقي شغل كويس .. ملقيش

حب يتميز في مجال عمله .. مقدرش


حب يتجوز جوازة كويسه .. اتطينت على دماغه

ودايما كل حلم بيقابله فشل .. لكنه دايما بيحلم ويحاول يروح للحلم


وفيه ناس .. بتحلم .. لمجرد إنها تحلم

يعني بيحلم بحاجه ومش بيسعى ليها




وفيه اللي أصلا مبيحلمش .. وعايش حياته .. كدا
مع الموجه

اتولد عشان كل الناس بتتولد

واتعلم عشان كل الناس بتتعلم

واشتغل عشان كل الناس بتشتغل

واتجوز عشان كل الناس بتتجوز

وخلف عشان كل الناس بتخلف

وبعد كدا قال ( خـــدني يا رب )


فيه واحد بيكون حلمة أكبر بكتير من إمكانياته لكنه بيصر عليه وبيحاول جاهدا يوصله

وفيه واحد بيحلم على قده عشان يعرف يوصله

وفيه واحد بيحلم أقل من إمكانياته عشان يحققها بسهولة




ياترى انت مين فى دول


وياترى .. ايه أحلامك وإيه طموحك

وايه اللي حققته

وايه اللي بتحلم لسه تحققة

......

ايهاب جمال

هووووبى

[أمير الصمت]

تسلم يدك هوبي على موضوعك وكلماتك
والاحلام المتنوعة
فمن المؤكد ان اكثرنا يحلم بالتفوق الكبير والنجاح
المميز والمناصب الرائعة في الحياة
مثل بعض الاخوة
مشكور هوبي وبانتظار جديدك
الرائع والمتميز

[داليا]

عجبنى اوى الى بيقول خدنى يارب
اولا موضوعك حلو اوى وكلماته جميله اوى
انا بقى كان عندى حلم من وانا صغيره
وطول عمرى نفسى احققه وبابايا وماماتى شجعونى على تحقيقه
وحسسونى انه سهل اوى
وهو
انى اخد قطعه ارض فى الصحراء واعمرها وبابا وماما وافقوا انهم يروحوا معايا
بس للاسف لما ابتديت اخد خطوه بجد ورحت سالت
الموظف قفلها فى وشى وقعد يقول لبابا يهون عليكى ترمى بنتك فى الصحرا ازاى حرام عليك وكلام كدا ملوش اى لزمه فطبعا بابا وماما مبقوش متحمسين زى الاول وانا سكته بس دلوقتى بس ناويه بجد هسال تانى واحقق حلمى
لانى شايفه ان البلد دى مش هتتقدم ولا هتتعدل غير بكدا
ربنا يوفقنى

تسلم يا هوبى

[l-lo0oBy]

أمير الصمت شكرا لمرورك الجميل

ويارب يحلى أحلامك

[l-lo0oBy]

بنوته والله انتى لو كل الناس بتفكر زيك كان حال البلد اتقدم كتير

يسلملى مرورك وتسلم دماغك كمان

نورتى

[داليا]

يا هوبى فى شباب كتير بيفكر زى
لكن بقولك بجد المشكله فى الاحباط
الى لما بتقرر تاخد خطوه تلاقيه
بجد بيتقال كلام يخليك تقول يلا بلا وجع دماغ
بس بجد تسلم دماغى
لما حلمى يتحقق بجد واروح هناك بجد وابتدى حلمى هناك فى الصحرا
واتمنى بجد كلنا نفكر كدا لان الوظايف الحكوميه مش هتعدل البلد دى
ونفكرا فى الانتاج مش مجرد الجلوس ورا المكاتب

[l-lo0oBy]

انتى حتقوليلى دا موجود فى أى مصلحه حكوميه واسألينى أنا

شكرا تانى مره لمرورك يابنوته

[۞ عاشقة الفردوس ۞]

الأحـــــــــــــــلام

كلمة جميلة تحمل الكثير والكثير

لكن أنا أقدر ألخص أحلامى فى كلمتين

مش احلامى بس لا أحلام كل واحد مهما كانت كتيرة وكبيرة

هيقدر يحققها كلها باذن الله

لو خلينا

شعارنا " الفشل هو أول طريق النجاح "

شعارنا " لا استسلام فأمر الدنيا هين "

شعارنا " فاستجاب لهم ربهم أنى لا أضيع عمل عامل منكم من ذكر أو أنثى "

تسلم ايدك هوبى

ولا تحرمنا من جديد روائعك

تحياتى لك

[أبو الشود]

يعني بعد رد الناس الحلوة دي بصراحة يا ايهاب انا مكسوف اقول أحلامي

انت عارف اني بحاول دايما يكون ردي مختلف بس اللي ما بيرحموش سبقوني ههههههههههههههههههههههه

تسلم ايدك يا باشا موضوع هايل وأحلى ردود من أحلى ناس