◘§أيوه إحنا المصريين مختلفين عن الآخرين

[abou-goda]

أيوه إحنا المصريين مختلفين عن الآخرين [ فقط المشتركين فى المنتدى يمكنهم رؤية الرابط . اضعط هنا للتسجيل ... ][ فقط المشتركين فى المنتدى يمكنهم رؤية الرابط . اضعط هنا للتسجيل ... ]
المصرى هو اللى
ممكن يعدى التلاتين ولسة عايش مع امة وابوة وماعندهوش مشكلة ..
يفهم ف الطب ويشخص المرض ويوصفلك الدوا وبيفهم ف النقاشة والكهربا وتصليح العربيات والطبيخ والسياسة والكورة وهو ابيض يا ورد
بيحط الريموت كونترول ف كيس بلاستيك كعادة فرعونية
يقف يتكلم على الباب نص ساعة بعد انتهاء الزيارة والسلام
لما تفتح نملية المطبخ هتلاقى عندة عشرين برطمان بتاع مربى فاضى بقالهم سنين ومازال مصر على جمع المزيد
بيجى بعد معادة بساعتين ويفتكر ان دة عادى
لسة عندة اصرار انة يتكلم بصوت عالى ف التليفون لما تكون المكالمة دولية عشان التانى يسمعة
يعتبر نفسة افضل واحد ف الشراء والفصال وبعد كدة يكتشف ان الحاجة فى المحل اللى جنبة ارخص من غير الفصال
بيحتفظ باكياس محلات الملابس والاحذية وورق الهدايا تحت مرتبة السرير لسنوات ومبيستخدمهاش
عندة صينية مكسرات متقسمة لتلت او اربع اقسام لزوم المزاج وعمرة ما استخدمها
بيشترى قبل الفطار ف رمضان مواد استهلاكية اصلا موجودة ف البيت لسة ما استخدمهاش
بيكون عندة شواية لزوم اللحمة والحركات اقصى استخدام ليها مرة واحدة ف العيد
بيشيل طابع البريد من على الظرف لو الختم ماكانش علية
بيفتكر ان اى حد بيشتغل ف الخليج بيغرف فلوس من غير حساب
بيكون مشغول بيقيمة التبس والبقشيش طول العشا وياترى نص جنية ولا جنية
بردة بيتخانق ساعة دفع الحساب بحرارة شديدة على انة هو اللى لازم يدفع الحساب
بيفرش ملاية السرير على طقم الانترية عشان يفضل نضيف لما يجى ضيوف وبردة مابيشلهااش لما يجوا
والاهم من كدة انة يحب يسخر من نفسة ومن بلدة ومن حكامة بس ميطقش حد تانى يسخر منهم ولا يقول كلمة وحشة عنهم وساعتها بقا ياحلو استلقى وعدك
ايوة احنا المصريين

[شمس الليل]

رائعة رائعة رائعة
جميلة مووووووووووووووووووت
ايوة احنا المصرييين
ناس مختلفة تمااااااااااااااااااما

[abou-goda]

شمس الليل اهلا بيكيمنوره التوبيك ياجميل

[تملي معاك]

ههههههههههههه
والله عندك حق احنا كده فعلا
طيب والعمل يا ابو جوده اى رايك
خلينا زى ماحنا احنا كده وهنفضل كده ولا ايه
المصريين اهم
هههههههههههه
تحياااتى لك
وفى انتظار جديدك

[abou-goda]

المصريين اهما حيويه وعزيمه وهمه

تملي معاك الحل فيد كل مصري
لو فكرنا احنا كنا فين في السنين الي فاتت من ناحيه عصور قديمه عصور وسطي عصور حديثه عصور اسلاميه
ودلوقتي عصر مبارك
اعذروني هاتلاقوا فب فرق كبير
ياريت كلنا نعرف ايه هو ونحاول نصححه :">
شكرا ليكي تملي معاك منوره التوبيك

[the brave soldier]

بجد جميله جدااااااااااااااااااا
لان كل كلمه فيها صح الصح احنا فعلا بنعمل كده .............
ويمكن ده الى مخلينا اظرف شعب فى العالم ..........
وشكرا على المجهود الرائع.

[abou-goda]

ذا بريف اهلا بيك في التوبيك
الشكر لله
منوره التوبيك وردك الجميل

[l-lo0oBy]

والله الموضوع دا كنت قريته من فتره وفعلا دى حاجات بتحصل فعلا

بس عايز أقولك ان كل شعب وليه عادات مختلفه اى شعب تانى يستغرب عليها

اما بالنسبه اننا نحب نغلط فى بلدنا وغيرنا لا

فدا شئ عادى

انت مثلا او انا لو لا قدر الله اى حد من والديك أو عائلتك يعنى تصرافتهم مش حلوه

أكيد عمرك مابتقبل اى حد يتكلم عليهم كلمه وحشه

انما انت ممكن تتكلم وتنتقد فيهم

صح ولا ايه؟

شكرا يا أبو جوده على الموضوع الجميل

[داليا]

يقف يتكلم على الباب نص ساعة بعد انتهاء الزيارة والسلام
تصدق فعلا انا بعمل كدا ومش عارفه ليه
بس فى حاجات صح وفى حاجات يعنى مش اوى
مشكور يا ابو جوده