تسمح ثانيه...!
عايزة افكرحبة معاك
سيبك بقى من اهل الدنيا
احدف كل الدنيا وراك
بس لثانية ...!!!
حسس نفسك انك آدم
اول واحد ييجى الارض
فاكر انت نزلتها ليه ؟
فاكر طيب مخلوق ليه ؟
فاكر انك كنت بخير
قبل ما تعمل ابليس ..
بيـــــــــــــــه ..!!!
فاكر لما غفرلك ربك ؟
قصدى كل ما يغفر ذنبك
تعرف طيب ..
هو غفرلك اصلا ليه ..؟؟
ماهو بيحبك
وانت
ولا بتفكر فيه
إلا لما بأمره تفكر
لما يجيلك حبة حزن
ولا لما بتعيا وترقد
ولا يموتلك حد ويبعد
انت قوام فى ساعتها بتقعد
وتفكر وتقوله يارب
خفف عنى من اللى انا فيه
اوعى تفكر..
ان كلامك ضِحك عليه
لكن هو رحيم كالعادة
وانت ف لحظة بتبقى ناسيه
طب ده انت لو كانلك اخ
وبيفتكرك بس فى ضيقته
وانت ولا بتسيبه لوحده
راح تيجى ف مرة وهتسيبه
وهتنسى انك كنت حبيبه
وهتنسى انك كانلك اخ ..!
لكن بقى شوف ربى العالى
اللى بيغفر ...ولا بيبالى
شوف كرمه معاك ,
شوف رحمته بيك
لما تقابل كل حنانه ...
بسوء معاصيك
كل الدنيا بتقسى عليك
حتى اللى انت بتمشى عليها
عايزة تشدك من رجليك
حتى سماك ...
حتى هدومك حتى عينيك
غضبانة الدنيا ....
نفسها ربها يسمح ثانية
وتقضى عليك
لكن هو ...
تفضل واسعة رحمتة بيك ..!!
مش مكسوف؟
انا سايبالك انت الرد
سايباك تلقى...
انك غيره مالك ولا حد
حتى ان كنت فى وسط ألوف
عايزاك تلقى انك مكسوف
.....
اللهم ان كانت ذنوبنا عظيمة فإنا لم نرد بها قطيعة ..
الى من نلتجئ إن طردتنا ؟....
من يقبل علينا إن اعرضت عنا ..؟
اللهم انى استغفرك لكل ذنب.. خطوت إليه برجلى .. أو مددت إليه يدى.. أو أصغيت إليه بأذنى
أو نطق به لسانى .. أو اتلفت فيه ما رزقتنى ثم استرزقتك على عصيانى فرزقتنى..
ثم استعنت برزقك على عصيانك فسترته علىّ......وسألتك الزيادة فلم تحرمنى.. ولا تزال عائداً على بحلمك وإحسانك ..!! يا أكرم الأكرمين اللهم انى استغفرك من كل سيئة اركتبتها فى بياض النهار وسواد الليل فى ملأ وخلاء وسر وعلانية .. وانت ناظر إلى ..
اللهم انى استغفرك من ك فريضة أوجبتها على فى آناء الليل والنهار تركتها خطأ أو عمداً أو نسياناً أو جهلاً .. وأستغفرك من كل سنة من سنن سيد المرسلين وخاتم النبيين سيدنا محمد صلى الله عليه وسلم تركتها غفلة أو سهوا ً أو نسياناً أو تهاوناً أو جهلاً أو قلة مبالاة بها .. استغفر الله وأتوب إلى الله ..
مما يكره الله قولاً وفعلاً وباطناً و ظاهراً ....اللهم آمين
موضوع اعجبني
اتمني ينال علي اعجابكم
التوقيع - ملامح قمر
۞
قلوب المؤمنين مش ممكن تنكسر
والطفل الباكي ال*زين
مسيره ينتصر
أحبكم فى الله 
العرض العادي
