الغيره.... حب .. ام .. قتل؟؟؟؟؟

[buffy]

بتحب ........ بتحبى
الغيره شىء اساسى عندكو ف الحب
وايه حدود الغيره دى
يعنى لاى درجه بتوصل غيرتك لحبيتك او خطيبتك او لزوجتك
وانتى كمان لاى درجه بتوصل بيكى الغيره
الغيره الزياده اللى تخنق وتوصل بيكـ\ـي للملل وتحسسك ان كل تصرفاتك غلط
ولا ما بتفرقش معاكـ\ـي نسبه الغيره
بتحسـ\ـي بالسعاده لما بتلاقى حبيبك او حبيبتك بتغير او بيغير عليكـ\ـي
فى عيره بتقتل الحب وغيره بتبنى الحب وتكبره
وهل بتختلف غيره الشاب على البنت من غيره البنت على الشاب ولا مفيش فرق
ياريت كل اللى ليه رأى فى الموضوع ده يشرفنا بأضافته ليه هنا
دمتم بخير

[l-lo0oBy]

والله موضوعك منتشر جدا وبيحصل تقريبا فى كل حاله حب

الغيره أكيد لو زايده عن الحد بتقتل الحب

بس فيه غيره لذيذه

يعنى الانسان يحب حبيبه يغير عليه ويبقى فرحان بالحكايه دى

وعموما انا من وجهه نظرى الغيره فى كل الاحوال هى معناها حب الحبيب

بس ممكن بعض الناس مش بتعقل مدى الغيره دى

ودا بيأثر على علاقات كتير ومدى نجاحها

تسلم ايدك بافى

[rohalby]

بسم الله الرحمن الرحيم
انا شايفة ان الغيرة اكيد سلاح ذو حدين لنها لو زادت عن حدها ممكن تتحول للشك وفنفس الوقت مهمة بين الطرفين لأنها بتعتبر دليل من ادلة الحب

[شمس الليل]

انا بغير على كل الناس اللى بحبهم سواء ام او صديقة او اب
وشايفة انها حب وبتدى للحياة طعم

[جوليت]

انا من رأيى ان الغيره عنصر مهم من عناصر الحب لاكن تكون فى حدود المعقول لانها لو زادت تبقى شك وعدم ثقه والشىء اللى بيزيد عن الحد ينقلب للضد واكيد كل حبيب او حبيبه بيحب كل طرف منهم انه يغير على التانى لان ده بيبقى دليل على انه بيحبه بس فى الاخر بقول انها تكون فى حدود المعقول وشكرا على موضوعك الرائع اختك( جوليت)