ليه ما يحصلش كدهـ

[buffy]

طبعا كلنا شايفين ان فى اقسام مش شغاله اوى او مش واخده حقها زى باقى الاقسام

وانا من وجهه نظرى ان لو كل مشرف شاف احسن موضوع لهذا الاسبوع فى القسم بتاعه ونجمعهم وتتبعت رساله تنشيط دوريه للاقسام بحيث ان كل الاقسام تبقى شغاله وفيها تفاعل ومشاركات

لو بتلاحظو ان فى اقسام بتدخلها كل يوم تلاقى اخر مشاركه فى موضوع ما زى ما هى ما اتغيرتش وده اول موضوع ف الصفحه ما اتغيرش فيه حاجه


هو مجرد اقتراح ولو مش موافقينى على الرأى مش هنكون خسرنا حاجه

مع اني والله يا بافي من كتر النعس وعيوني مغمضة ودماغي قفل عشان كده ما فهمتش اللي قصدتيه

وجهه نظرى ان لو كل مشرف شاف احسن موضوع لهذا الاسبوع فى القسم بتاعه ونجمعهم وتتبعت رساله تنشيط دوريه للاقسام بحيث ان كل الاقسام تبقى شغاله وفيها تفاعل ومشاركات

بس انا ببصم بالعشرين على اي شيء يحرك الأقسام

وانا بكرة هأبقى اقرا تاني اللي كتبتيه

بس لو دماغي فضل مقفول مطلوب منك توضيح عشان نعرف ننفذ

مشكورة يا قمر المنتدى على اقتراحاتك وآرائك وسعيك الدائم لرقي الفرسان

[buffy]

انا اقصد ان كل مشرف قسم يشوف الموضوع المميز ف قسمه لكل اسبوع ويبعته للادمن والادمن يختار موضوع من المواضيع المختاره ويبعتها فى pm للاعضاء كلها
والاقسام اللى مش عليها مشرفين تبقى دى من مسؤوليه الادمن والمشرفين العام لاختيار افضل موضوع
وبكده نقدر ننمى الاقسام كلها
وصلت ولا لسه يا ابو الشود

[ملـ الحب ـك...ولكن حزين]

والله فيه اقسام ميته مفيش شغل فيها خالص

ممكن تلاقي رد بالعافيه

طبعا مش هتخلي الاعضاء تدخل بالعافيه او ترد

وكل واحد وليه رغباته وهو حر يرد او لا

مش هنغصب حد علي الرد

وشكرا علي اقتراحك

[buffy]

ما هو انا مش هدخلك القسم بالعافيه ولا بالقهر
لكن لما تلاقى عنوان موضوع فى رساله شدك هتلاقى نفسك تلقائى بتدخل القسم وتيجى عينك على مواضيع تانيه وتقراها
وغيرك هيعمل كده بس مش كلنا هنعمل كده
المهم تكون فى مجموعه بتتبع زياره القسم الراكد
ولو حد عنده اقتراح لتنشيط الاقسام غير دى يطرحه علينا
اكيد كلنا يهمنا الرقى للمنتدى

ما هو انا مش هدخلك القسم بالعافيه ولا بالقهر
لكن لما تلاقى عنوان موضوع فى رساله شدك هتلاقى نفسك تلقائى بتدخل القسم وتيجى عينك على مواضيع تانيه وتقراها

كلام صحيح وتمام 100 %

وصلت ولا لسه يا ابو الشود

لا وصلت يا معلم

معلش الواحد احيانا بيبقى دماغه قافل حبتين

مشكورة تاني لأقتراحك يا بافي

[maroo]

الله يا بافى انتى موضوعك حلو اوى اوى اوى وان دل يدل على انك خايفه على مصلحة المنتدى وبتدورى على ان المنتدى يرتقى وكده طبعا المشكله الى انتى بتتكلمى فيها مشكله كبيرة وموجودة احنا يمكن حاسينها ولمسينها وبنواجها انا مثلا واحدة من الناس االى حد ما عندى المشكله دى فى قسمى ويمكن انا منغير ماتقولى قومت بلى انتى بتقولى عليه ويمكن الناس بتدخل قسم الشباب عن طريق الدعوات الخاصة وكده وعلى فكرة المشكله دى مازمانى اوى وانا يمكن نزلت توبيك فى القسم بتاعى طلبت منكم انكم تساعدونى فى ايجاد حل لهذه المشكله وكمان ايجاد حل علشان القسم يشتغل وكده لان بجد القسم نايم خالص فانا قولت اعمل مسابقه لاحسن موضوع وكده وادمن نفسه وافقنى الراى ووافق على الفكرة وقولنا الى هيكسب فى المسابقه هنديله لقب وكمان هنثبتله الموضوع وكمان هيتحط فى المواضيع المتميزة يعنى كان هدف ان المنتدى يتحرك والناس تشتغل وكده بس للاسف الناس نايمة برضه ومفيش اى جديد خالص انا بجد نفسى المنتدى يتقدم والله ويمكن كمان سبب النومه دى ان اليومين دول امتحانات والناس مشغولة فى المذاكرة ويمكن معرفش العيب فين بس بجد الواحد بيتمنى ان المنتدى يرتقى اكتر واكتر وبحيكى بافى على موضوعك الاكثر من رائع وربنا يوفقك ويوفقنا اننا نحل كل مشاكل المنتدى ومشكورة ومشكور كل الى ناقشك واتكلم معاكى فى المساله دى وبجد بحبكم اوى وربنا يعلم انا نفسى المنتدى يكون ازاى وانا تحت امركم فى اى وقت

[۞ عاشقة الفردوس ۞]

أقتراح أكثر من رائع وأنا أؤيده معاكم



كعادتك بافى مميزة بأرائكِ أينما كنتى

دمتى لنا حبيبتى وللمنتدى بكل خير

تقبلى أرق تحياتى

[buffy]

كويس جدا
اجمعنا بالرأى بالموافقه على الفكره
بس لاحظو اننا برده هنواجه تجاهل من بعض الاعضاء او عدم اهتمام لاننا زى ما قالت مارو فى فتره امتحانات فى مش هنلاقى الموضوع ده شغال كويس ف الاول
شكرا ليكو لموافقتكو على الفكره

[asma81]

وانا كمان موافقة جداااا