هل من الممكن ان الواحد يتحكم فى المواقف والزكريات بتاعته

[جوليت]

هل من الممكن ان الواحد يمحى الزكريات والمواقف والافعال المؤلمه من حياته ويتحكم بكل سهوله فى كل حاجه بتتخزن فى عقله الباطن لو وحشه ينساها لو حلوه يخزنها فى عقله يعنى على مزاجه اللى عاوزه يخليه واللى مش عاوزه يرميه تعالوا نشوف كده لو الواحد فعلا نسى اى زكرى مؤلمه او اى موقف مش عاوز يفتكره فى حياته ولا كأنه مره بيه وما تخزنشى فى عقله الباطن اللى احنا بنخزن فى كل حاجه من افعال وزكريات وكل المواقف اللى بتمر علينا من وحشه وحلوه هل الشخص ده هيكون عنده افكار وتجارب ومواقف كافيه اتخزنت فى عقله ؟
اولا المواقف والافعال والزكريات من حلوها ومرها دى المسؤاله على انها تكون خبره وتدى وعى و تكون شخصيه للانسان لان كل ما الانسان كان عنده تجارب وزكريات سواء مؤلمه او حلوه بتديله درايه اكتر وخبره اكتر وبيتعلم دروس وبيستفيد من كل اللى مر بيه وبيقدر بعد كده يحكم على اى حاجه تمر بيه من سابق معرفته ودرايته بالموقف ده فاالذكريات نعمة تؤنس الانسان في لحظات وحدته ولاكن الزكريات الجميله بس لاكن الزكريات المؤلمه زى المر لاكن لولا المواقف والزكريات المؤلمه ما كناش عرفنا الزكريات السعيده لاننا لا نعرف الضد الا بضده وما نعرفش اللحظه بتعنى ايه الا لما نعيش لحظات سابقه فا احنا ما نساويش اى حاجه بدون زكرياتنا سواء حلوه او مره لانها جزء منا فالمواقف والزكريات المؤلمه دى بتكون الدافع الاساسى فى اننا نصحح اللى ارتكبناه من اخطاء ودايما بنشوف ان المبدعين هما اللى عانو فى حياتهم ومروا بزكريات مؤلمه فللى بياكل الحلو بيقعد يتلذذ بحلاوته اما اللى اكل المر بيبحث جاهدا عن الحلو ليمحى المر اللى اكله وفى النهايه طبعا وده رأى اننا نعيش زكرياتنا بحلوها ومرها لان الاتنين لهم اهميه كبيره فى حياتنا لان العمر والزكريات متكاملان

[جوليت]

يله ياجماعه عاوزه اعرف رايكوا وياريت تصوتولى على الموضوع ده

[maroo]

فللى بياكل الحلو بيقعد يتلذذ بحلاوته اما اللى اكل المر بيبحث جاهدا عن الحلو ليمحى المر اللى اكله وفى النهايه طبعا وده رأى اننا نعيش زكرياتنا بحلوها ومرها لان الاتنين لهم اهميه كبيره فى حياتنا لان العمر والزكريات متكاملان

حببتى جوليت انا شايفه منك مجهود رائع بجد احيكى على اسلوبك وعلى موضوعك اكيد كلنا فى حياتنا ذكريات حلوة وذكريات وحشه واكيد الذكريات دى علمت جوانا وحفرت جوانا حاجات اتعلمناها واكتسبناها يعنى اكيد ادتنا خبرةفى الحياه ولولا ذكريتنا او اوجعنا مكناش اتعلمنا بس لازم ولا بد نتقرص اوى علشان نتعلم ومحدش بيتعلم بالساهل وانى قولتى المفيد وقولتى اننا لازم نجرب المر علشان نحس بحلاوة الحلو ولا ايه وعلى العموم اشكرك وانشاء الله موضوعك يكسب معانا ويدخل فى الموضوعات المتميزة الف شكر ليكى ومنتظرين كل جديد منك

[l-lo0oBy]

طبعا مش ممكن نتحكم فى ذكرياتنا

بس ممكن جدا نتعلم ونستفيد منها

شكرا ياجوليت على الموضوع

[جوليت]

اكيد ما نقدرشى بس فى ناس بتتمنى انها تمحى الزكريات المؤلمه فى حياتها او انها حتى ما كانتشى تمر بيها لاكن انا عن رأى طبعا اننا لازم نفتكر زكريتنا سواء مؤلمه او جميله وشكرا على مرورك وردك

[Free Fighter]

بصي الموضوع جميل وبيناقش قضية حلوة

وانا لي رأي

أن اللى عايز ينسي هينسي وبمزاجه

انا عارف ان فى مواقف مؤثرة فى حياة الانسان صعب ينساها

لكن ليست من المستحيل انها متتنسيش

دي بترجع لشخصية الانسان

انه ممكن يتحكم فى مشاعره

اشكرك على الموضوع

[جوليت]

المشاركة الأصلية كتبت بواسطة Free Fighter

بصي الموضوع جميل وبيناقش قضية حلوة

وانا لي رأي

أن اللى عايز ينسي هينسي وبمزاجه

انا عارف ان فى مواقف مؤثرة فى حياة الانسان صعب ينساها

لكن ليست من المستحيل انها متتنسيش

دي بترجع لشخصية الانسان

انه ممكن يتحكم فى مشاعره

اشكرك على الموضوع

ممكن فعلا يافهد بس مش كل الناس بتقدر تتحكم فى مشاعرها ومرسيه على مرورك ومشاركتك الجميله

[Free Fighter]

ومين قال ان كل الناس بتقدر تتحكم فى مشاعرها

انا بقولك

فى ناس بتقدر تتحكم فى مشاعرها مش كل الناس

شكرا

[جوليت]

المشاركة الأصلية كتبت بواسطة Free Fighter

ومين قال ان كل الناس بتقدر تتحكم فى مشاعرها

انا بقولك

فى ناس بتقدر تتحكم فى مشاعرها مش كل الناس

شكرا

اوك يافهد وانا بحترم رايك جدااااااا

[أمير الصمت]

تسلم يدك جوليت ع الموضوع
واقدر اقول ان الانسان ممكن يتحكم في البعض
البسيط والقليل من الذكريات انما معظمها صعب نسيانها
او التحكم فيها كما وانها درس من دروس الحياة
مع ارق تحية لكى وبانتظار جديدك