يا بخته بيكي

[قارئ الفنجان]

السلام عليكم ورحمة الله وبركاته
بعد تحيتي والسلام

رأيتها جالسة الى جواري ، تبكي .. تأملت وتألمت كثيرأ ..
حاولت أن أستشف ما بها .. حاولت أن ألعب دور الطبيب ..
لأخفف عنها ما بها .. بدون أن أقطع لحظة صفاء لها مع النفس .
فقلت في نفسي : يا ...

يا بخته بيكي

بتدمعي
ليه بتدمعي

هو يستاهل دموعك

لسه بتحبيه
يابخـتك

شايفه وهم
وعايشه فيه

عارفه
انه مش معاكي

عارفه
انه مش شاريكي

ولسه برضه
عايزاه ييجي

يابخـتك
لا .. يابخـته
يابخـته بيكي
______
عرف يخلي
قلب يبكي
فكر يشكي
هم يضوي
بين ضلوعك

ينور بين ضلام
الليل يلالي

يخلي ظلم
ليل الذل نور

يابختك
لأ.. يابخـته
يابخـته بيكي
______
لسه بتدمعي

قومي يالا
قومي يالا وبطلي

ليه بتبكي تدمعي
هو كان
شاري دموعك

ليه بتشكي من الدموع

هيه ميه
نازله سايله
من شلال فى وسط خضره

لأ.. دي غاليه
بنت غالية

من أساس
الذل جايه

نازله بتعور فى جسمك

نازله بتكسر فى ضلعك

من غلال فى وقت ندره

نازله بأمر الحب
لكن

يابخـتك
لأ .. يابخـته
يابخـته بيكي

مصطفى عبدالناصر
2006

كل الحقوق محفوظة للشاعر والقصة منشورة في ديوان
" عشق تحت ضربات الاحتلال " لمصطفى عبدالناصر اللي هو أناااااااااااااااا
وشكرا

أرجو من كل من يقرئها أن يترك كلمة لي ووعد سأقبل كل نقد بناء
وللعلم أحترم الاراء كلها لاني أحب أن يحترم رأيي الاخرون
تقبلوها مني ارجوكم

السلام عليكم ورحمة الله وبركاته

[l-lo0oBy]

حلو الكلام وحلوه الفكره

تسلم ايدك

[شمس الليل]

كما اعتدنا منك يا قارئ الفنجان التميز بجدارة
واحلى ما فى القصيدة هى انها متميزة فى الموضوع لم اقرأ مثيلتها من قبل
بس انا نفسى اقول لصاحبة القصيدة ان الدموع اغلى من انسان باع وانا متغاظة منها جدا
لكن هذا لا يمنع انها قصيدة متميزة

[قارئ الفنجان]

السلام عليكم ورحمة الله وبركاته
بعد تحيتي والسلام

مش عارف اقول ايه كل مرة بقول اخر مرة هنزل قصيدة في المنتدى اقرا ردودكم احب المنتدى اكتر واحبكم تشجعكم ليه اكتر من اللي استحقة


شكرا ليكي شمس الليل و هوووويبي ويخليكم ليه

السلام عليكم ورحمة الله وبركاته