البنت دى ......... ( أحسن تدخل تشوف )

[l-lo0oBy]

صباح جديد النهاردة .. بدور على حاجة اقولها .. معلشى بحب الرغى ..

حاجة انا ملاحظها وكتير منا بيوقعوا فيها وبيعملها .. اتهام وتشهير بخلق الله ..

يشوف بنت لابسة محذق

ان البت دى ماشية على حل شعرها .. يعنى مسيباها وهكذا وهكذا ..

يقول قايلوا على طول دى شرشر نط اكل البط ( مصطلح لكلمة عيب )

اتهام واحدة انت مش عارف هيا اية .. ولا تعرف عنها حاجة غير شكلها جايز ..
اتهام المحصنات .. ودا حرام حرام حرام ..

لية بجد الغباء والتسرع والحكم على البشر دون النظر بداخلهم ..

او دون اى سبب .. لمجرد ان لبسها مغرى .. او لبسها فيه شئ ملفت ..

او لمجرد انك سمعت من بنى ادم برجلين انها كدا وتقوم مصدق ..

وقايل لكل من تشوفوا ان فلانة الفلانية كذا وكذا وكذا ..



اية سبب اتهامات البشر للبشر دون تعامل مع البشر المتهمين ..دا رقم واحد

هل سبب لبس البنت يكون حاجة تخليك تتهمها بفساد اخلاقها او مش قصدى على اللى هيردوا ..

قصدى على البشر عمتا اكيد فـ تعاملات كل منا بيقابل ناس من دى ..

هل دا بيكون نقص عقل .. ولا غباء .. ولا تسرع ولا جهل ولا اية بقى افهم انا ..

اقدر اقول دلوقتى انا قولت اللى عندى ومستنى توضيحاتكوا .. وعلى خير يارب نتقابل ..

.............

ايهاب جمال

هوووووووووووبى

[۞ عاشقة الفردوس ۞]

كلام صحيح مية المية

للأسف دلوقتى فى مجتمعاتنا الكل بيحكم على المظهر ولا ينظر للجوهر

وما أسهل تداول مثل هذة الافتراءات والاتهامات اللى ملهاش أى دليل ولا أى معنى من الصحة

وأنا برجع السبب الأساسى هنا للبعد عن الدين فهل من العقل أن من يسمع تلك الآيات يستطيع أن يشير ويتهم أحد ؟!!

يقول الله عزوجل فى محكم كتابه :

" إِنَّ الَّذِينَ يَرْمُونَ الْمُحْصَنَاتِ الْغَافِلَاتِ الْمُؤْمِنَاتِ لُعِنُوا فِي الدُّنْيَا وَالْآخِرَةِ وَلَهُمْ عَذَابٌ عَظِيمٌ (23)" النور

ويقول سبحانه :

" يَا أَيُّهَا الَّذِينَ آمَنُوا لَا يَسْخَرْ قَومٌ مِّن قَوْمٍ عَسَى أَن يَكُونُوا خَيْرًا مِّنْهُمْ وَلَا نِسَاء مِّن نِّسَاء عَسَى أَن يَكُنَّ خَيْرًا مِّنْهُنَّ وَلَا تَلْمِزُوا أَنفُسَكُمْ وَلَا تَنَابَزُوا بِالْأَلْقَابِ بِئْسَ الاِسْمُ الْفُسُوقُ بَعْدَ الْإِيمَانِ وَمَن لَّمْ يَتُبْ فَأُوْلَئِكَ هُمُ الظَّالِمُونَ (11) " الحجرات

أظن بعد كلام ربنا مفيش كلام يتقال

فما أجمل حب الناس للناس وحب الخير ليهم ولو كانت بنت بالمواصفات دى ليه منقولش انها لا تعلم دينها صح وأن جواها كويس جدا وندعيلها ربنا يهديها ويهدينا

ولا ننسى أن من تتبع عورات الغير تتبع الله عوراته
ربنا يحفظنا ويسترنا فوق الأرض وتحت الأرض ويوم العرض .. اللهم آمين


تسلم ايدك هوبى لطرحك المتميز

ومعلش طلعت أنا رغاية أكتر منك

تحياتى لك

[Love.For.Ever]

كلامك الرائع جدا يا هوبى وموضوه محتاج نقاش

دلوقتى المجتمع الى احنا فيه مجتمع متسرع جدا

بيحكم على الانسان من بره من المظهر

وده غلط جدا

فى مثل بيقول تعرف فولان اه اعرفه عشرته لا يبقا ما تعرفوش


يعنى المفوض الانسان ما يتكلمش عن حد من مجرد شكلها

بس يا هوبى خلاص مش هرغى كفايه كدا ولو افتكرت حاجه هاجى لقولها

[ملـ الحب ـك...ولكن حزين]

موضوع اكتر من رائع تسلم بجد

ولازم يكون فيه نقاس

كله عاوز المظهر دلوقتي

اولا تسلم ايدك يا إيهاب عالطرح الجميل والمهم ده واللي دايما متعودين انك تلامس الواقع بشكل او بآخر

تانيا تسلم ايدك يا عاشقة الفردوس انتي ولوف فور ايفر ردكم هايل

تالتا

رأيي الشخصي بقى

ده اسمه نوع من الفشورة او الحرمان

يعني في شباب مش طالع بأيدها تصاحب دي ودي ويبقى من نفسهم وده بيأدي ان أي واحدة يبقى نفسهم فيها ومش يطولوها يطلعو عليها الصيت ده

والبنات اللي بتتمنى انها تتعاكس او تصاحب وما حدش بيعبرها تتقصد تتغاوى بحركاتها وتصرفاتها عشان تسمع انهم بيقولو عنها اللي محرومة منه

ده رأيي يعني النوع ده من كلا الجنسين بيبقى عنده نقص عاطفي وبيعوضه بالكلام

تسلم يا إيهاب على طرحك المميز دايما

[maroo]

السلام عليكم

اخويا ايهاب مشكور على طرحك للموضوع وللمشكله العويصه الى انت بتتكلم فيها ومشكورة عاشقه الفردوس وكمان لف فور ايفر وكمان ابو الشود على ردودهم الجميله يمكن هما قدرم يقولوا الى انا عايزة اقوله ليك او اقدر اتكلم فيه طبعا انا مش هذود كتير ومش هتكلم كتير بس بجد الزمن اتغير بجد والناس اتغيرت ويمكن كمان القيم والمابادئ اتغيرت الناس معدتش يهمها غير المظاهر الكدابة بس الناس بتحكم على بعضيها من خلال الشكل بس لما نيجى نبص المفروض نبص على الجوهر الاساس مش الى بره لان ساعات الى بره مش بيكون دليل على الى جوانا ساسعات نشوف ناس لبسين شيك وعشره على عشرة تيجى تتكلم معهم مش تلاقيهم شيك لا للاسف العكس وزى مااخوانى قالوا بالضبط ممكن يكون ده نوع من النقص او الحرمان وممكن كمان قله وعى دينى ويمكن كمان لان احنا كلنا بنجرى ورى الموضوه ده شاغلنا الاول والاخير لكن غير كده مفيش

[تملي معاك]

مشكور ياهوبى عى طرحك للموضوع
وفعلا الناس دلوقت بقت بتبص للمظهر
وليس الجوهر
هل احنا عارفين اخلاق البنت دى لا
فى بنات مش محجبين ومش ملتزمين شويه
وبيقوا احسن اخلاقيا من البنات المحجبه
مش كله طبعا ولكن فى وفى
وفعلا زى ما لف قالت تعرف فولان...........
ويلا كفايه كده عشان الرغى
تحياااااتى لك

[l-lo0oBy]

والله انا فرحان بيكم وبتواجدكم الفعال دا

...........

اهلا ببنت بلدى عاشقه

لو كان الرغى بطريقتك دى فياريت كل شويه رغى منك

...........

لف ياستى ارغى براحتك وكلامك طبعا فى محله

..........

ملك الحب شكرا ياجميل على مرورك

[l-lo0oBy]

أبو الشود معاك حق انه ممكن يكون نقص فى الجنسين

بس هى برضه مسأله تربيه ونشأه سليمه

.........

مارو شكرا على مرورك وتعليقك اللى أكيد انه صح

أكيد طبعا مش صح الحكم على انسان من مظاهره أو من الخارج

بس أرجع وأقول المفروض الانسان يعبر عن نفسه من خلال مظاهره أولا

............

تملى معاك والله ترغى شويه كمان ههههههههه

رغيك حلو وماشاء الله

..........

يلا تسلمووووووووووووووولى جميعا