وحشتينى
ياساكنه ف قلبى وف عينى
ياعمرى الجاى وسنينى
ياقمرى وضى لعيونى
وحشتينى
يازهره الهوا الدافى
عيونك فجر ليل صافى
رميت قلعى ومجدافى
وقولت الموج يرسينى
وحشتينى
ياملاكى وكل دنيايا
يانجم عشقته فى سمايا
ياروحى وعمرى ومنايا
ياوهمى وعقلى وجنونى
وحشتينى
داقلبى دقته باسمك
وحلمى رسمته كان رسمك
ياللى ف جمالك وف حسنك
عمر الدنيا ماتورينى
وحشتينى
بحبك أيوه مش خايف
وغيرك فى عيونى مش شايف
يا أحلى بسمه وشفايف
بكلمه منها تحيينى
وحشتينى
عيونك فى الهوا دارى
وعايشلك ليلى ونهارى
دا عشقك جنتى ونارى
وحبك تاج على جبينى
وحشتينى
ياعمرى وكل أحلامى
وعايش بيكى أيامى
بهديكى شوقى وسلامى
وأقول لو يوم تحسينى
وحشتينى
حقولك ايه وأعيد تانى
حقولك برضه وحشانى
ياللى فى عيونك عنوانى
وعايشه فى كل تكوينى
وحشتينى
............
ايهاب جمال
هووووووبى
أحبكم فى الله 
