صبرت عليك كام سنه

[دموع الحياه]

بتعاند فيا ولا فيك بتخاف عليا ولا عليك
بتبعد عنى وتسبنى وحدى وتقولى بخاف عليكى
وانا بتحدى كل الناس عشان اعيش معاك وخلاص
وانت بتبعنى وبتشمت فيا الناس ولا فى احساس
كلهم حذرونى منك وقالوا ابعد عنك لكن انا بجد بحبك
وده اللى ظلمنى جمبك كل الوقت ده وياريت حسيت بحبك
قولت بكره تبقى معايا وتنسى العتاب اللى بنا ونرجع سوا
واستنيت وفى النهايه جاى تقولى نكون اصحاب اللى بنا مش هوا
بالسلامه حبيب قلبى مش هبكى عليك صبرت عليك كام سنه
وياريت يوم اتأثرت بالى جوايا وعشت ولو يوم لقلبى انا
مش هعاتبك مش هلومك مش هقولك ارجعلى تانى
قلبى فاق من وهمه ومش هيطلب تانى تسمع له
ارحل اتغرب حب اتعذب ما يهمنيش ايه يحصلك
انا بعتك زى مابعتنى ومش هندم يوم عليك

[فارس اليكس]

دموع الحياة كلماتك لها طابع خاص جميلة جدا رقيقة ومتميزة دمتي بكل خير اختي

[رحيق الماضى]

دموع الحياه

كلماتك انسابت كالحرير
على صفحات المنتدى

دمتى بخير

وفى انتظار جديدك

ومنى كل المنى

أختك
رحيق الماضى

[حكــ روح ــاية]