هل هنا هتقدر تغير ديانتك ؟؟؟؟؟ ولو مقدرتش هتعمل ايه؟؟؟

[nanalove]

انا مش عارفه ابتدى منين ومش عارفه هل مكان الموضوع ده فين هنا ولا فى اى قسم بس انا اخترت القسم العام علشان الكل يقرا الموضوع ده ونحاول نوصل لحل او نعرف هنعمل ايه

كثيرا نقابل ناس نحبهم يحبونا نشعر بانهم كل شئ فى حياتنا وفجاءة نكتشف ان هناك حواجز بينا وبنهم ممكن تكون بعد المسافه هما فى بلد واحنا فى بلد بس مش مشكله اوى لان بالحب ممكن نصنع المعجزات وبنضحى ونقرب من حبايبنا وبنوصل ليهم حتى لو فى الهند

طيب لو كان المشكله فى فرق السن ايهه الحل ناس تقبل وتقول عادى وناس تانيه ترفض وتقول مشكله وازاى ومش هينفع ومش هيكون فى ترابط وهيكون فى مشكله كبيره والمجتمع ميسمحش

طيب ايه تانى من المشاكل الى ممكن تقابنا مع حبايبنا ممكن يكون الديانه طيب لو كان فى اختلاف فى الديانه لو انت حبيت واحدة وبعد فترة عرفت انها غير ديانتك انت تعمل ايه ساعتها هتسيب دينك وتغير ميلتك علشانها ولا هيا الى هتسيب دينها علشانك ولو ده حصل هل اهلك هيسمحلك والمجتمع الى عايش فيه هيسمحلك فى ناس ممكن تعمل كده ويمكن انا عشت ده وقدامى مثال كبير اوى ابويا وامى ابويا كان مسيحى وامى مسلمة ويمكن كمان ابويا الله يرحمه كانت جنسيته مختلفه ساب كل ده اسلم ونزل على مصر وتزوج من امى لانه احبها بس ياترى كل الناس هتقدجر تعمل كده ياترى حد يقدر انه يضحى ويغير ميلته علشان خاطر حبيبه ولو ده محصلش هيكون غلط مين غلط حببتك انها مقلتش من الاول ولا غلطتك انت الى مفهمتش ولو قررتم تبعدوا ومعرفتوش الحل هيكون ايه هل هتقدر انك تسيبك ديانتك هلشانها وهيا ممكن تعمل كده اى منكم هيقدر يعمل كده ؟؟؟؟
طيب لما حببتك تيجى وتقولك انت ليه بتبعد وهيا مش قادره تفهم الاسباب ولا عارفه تقدر وبتتهمك بانك ضحكت عليها علقتها بيك وسبتها يبقى رد فعلك ايه ساعتها هتهرب من ده ازاى ولو انت برضه اتهمتها بنفس الشئ هتعمل هيا ايه ساعتها ساعتها الغلط عند مين انت ولا هيا ولا ممكن تكوت الظروف والقدر هما الى عملوا فيكم كده ليه مش تقولوا كده لنفسكم وتعرفوا ان اجمل شئ انكم عرفتم بعض انكم تحاولوا تكتسبوا بعض كاصدقاء حاولوا انكم مش تخسروا بعض حاولوا انكم تترجموا المشاعر النبيله دى الى انكم مش تخسروا بعض كاصدقاء ومحدش يتهم الاخر بانه السبب محدش فيكم السبب الظروف اقوى منكم ومفيش حل الا ان حد فيكم يغير ديانته علشان التانى ده الحل

ولا انتم رايكم ايه لو فى حد واقع فى المشكله دى انه بيحب واحد ديانتها غير ديانته حله ايه حد عنده حل؟؟؟؟؟؟؟

[داليا]

بصى وللامانه انا عمرى ما هغير ديانتى عشان حد
انا والحمد لله مسلمه
لكن لو مسيحيه ومقتنعه بدينى مش هغير عشان حد
لانى اكيد هيبقى ربنا عندى اهم ودينى اهم
ومش كل الحالات بتنفع انا كان ادامى اتنين بيحبوا بعض
والبنت اسلمت عشان الولد والولد بعد كده سابها لان لقى ان الموضوع
مليان مشاكل وانه مش سهل
وانا من الاول هختار الى يناسبنى فى كل حاجه
ربنا ادانا عقل نفكر بيه ونختار بيه وطبعا بقلبنا
لكن ناس كتير لما بتحب بتركن عقلها على جنب
وانا شايفه ان ساعتها الحب مبيكملش لان مبيبقاش مسانده عقل ومنطق
فلازم الانسان يحب بالاتنين العقل والقلب
ساعتها انا واثقه ان الحب هيكمل
فاكيد لو حبيبت هحب واحد من ديانتى عشان
اتجنب مشاكل ممكن تعوق استمرار الحب دا
تسلمى يا نانا على المواضيع الجامده

[BLuE]

حد يسيب الاسلام
حد يبدل حب الله والرسول عليه الصلاة والسلام
بحب وحدة او واحد
حد يروح من النور الى الظلام
لا اعتقد انو في حد يعمل كدة
الي اقدر عليه هو النصيحة واحاول اهدي الشخص الضال الي نور الاسلام
وازا ما اهتداش
انا مش حضل معاه
مشكورة جدا اختي عالموضوع المميز

[شمس الليل]

لا طبعا انا مش موافقة ان حد يغير ديانته عشان الحب لأن الديانة اهم من الحب والحبيب واى حاجة تانية والانسان ميغيرش ديانته الا اذا كان مقتنع باللى بيعمله ودا حب يائس والاحسن ان كل واحد يبعد عن التانى لان الحب دا محكوم عليه بالفشل

[maroo]

بالحب ممكن تحصل المستحيلات كثير من القصص والنماذج بتقول انه ممكن فعلا بالحب تتغير حاجات كتيرة اوى بس فى حاجات كتير الواحد ميقدرش انه يغيرها او مينفعش انها تتغير ومن اهما انى مسلمة مش معقوله هروح احب واحد غير ديانتى ولو حصل اكيد هيكون من الصعب انى اغير دينى علشانه لكن لو هو اراد يبقى اكيد هاكون فى قمة سعادتى لكن انا استحاله انى اغير دينى طبعا علشانه وبعيدن انا برضه هاكون عاقله قبل مااحب اكيد مش قلبى بس الى هيتحكم فيا لازم عقلى كمان ولازم افكر ميت مرة فى الانسان الى هفكر انه يكون شريك حياتى
مشكورة نانا على توبيك الرائع دوت وياريتك ترجعى تانى موضوعك جميل جدا وفى انتظار عودتك

[abou-goda]

بسي نانا اولا اهلا بعودتك للفرسان من جديد ونورتي بيتك
اما بالنسبه لسؤالك
الحب مهما بيعمل او بيغير بالنسبه ليا مايخلنيش اسيب الاسلام علي فكره ممكن يوصل المرء انه يضحي بحياته منن اجله وانا ماعرفش ايه الحكم في كده
بس انا من وجهةنظري كمسلم عمري مااغيره :">
تحياتي