مبقاش يفرق كتير جرح صغير جرح كبير , , , ,

[l-lo0oBy]

من غير مقدمات ..

لقيت نفسك انسان فاشل فـ كل حاجة ..

فـ دراستك .. مع اهلك .. وكمان مع حبيبتك ..

حبيبتك اللى كنت فاكر انها هتبقى اول من يقف جمبك ..

اول اللى يساعدك على الرجوع ..

كنت فاكر ان مفيش حاجة تفرق بينكم..

خلاص قربت تخسرها .. وكل دا بسبب حجج فارغة ..

فـى اسبوع واحد بس اسودت كل حاجة ف وشك ..

بتضحك من ورا قلبك .. تضحك وانت من جواك بتجاهد نفسك عشان تضحك ..

بتضحك مش عشان عايز تضحك بس عشان نفسك الحزن يفارقك ولو ثوانى ..

بتوفى لأصحابك.. لكن فـى زمنك مفيش حاجة اسمها صاحب ..

فية حاجة اسمها مصالح .. محدش بيعرفك الا فـى مصلحلته..

عايش لـ اية منتش عارف .. عايش من غير هدف ..

مش عايز اى حاجة من الدنيا ..

حاسس انك يأس وفاقد كل امل خلاص ..

بتحلم احلام ودايما بتهرب منك ..

مع انك بتحاول تحافظ على احلامك بكل مـا تملك ..

لكن دايما بتصحى من كل حلم بدش بارد ..

بتقف ساعتها تفكر لية حصل كدا ..

استفدت اية من كدا ..

تفكر من جديد تقول انا هعيش الواقع ..

مش هحلم ف زمنى لان زمنى مش زمن احلام ..

تقول كل دا ماضى وعدا من عمرك ..

ماضى لازم تنساة وتبدأ من جديد ..

تهرب من الماضى .. تقول هعيش الحاضر وبس ..

تلاقى نفس اللى حصلك بيتعاد قدام عنيك تانى ..

تصرخ تقول حرام .. يجاوبك صدى صوت بأن كل شىء مباح فى دنياك ..

مش عارف تكتب اية ولا تقول اية ..

مش عارف اية بيحصلك .. ولا لية بيحصلك ..

نفسك تلاقى اجوبة لأسئله جواك ..

بس مش لاقى اللى يسمعلك ..

مبقتشى فارق مع حد فـى حاجة .. تروح زيك زي غيرك ..

تبكىبألم ومرار .. تبكى على حالك ..

اتغيرت من احسن للأسوأ ..

بتتمزق من جواك عشان نفسك تبقى انسان تانى ..

ومش لاقى فايدة من رجوعك .. فـ زمن مهش عايزك ..


عمال تكتب .. ومنتش عارف بتكتب لية .. ولا لمين .. ولا هتستفاد اية ..

وأهو وقت وبتقضية ..

وطول ما انت عايش لازم تتألمـ ..

لازم تندم .. عشان تحس بخطأك ..

لازم تفارق حبيب ليك عشان تعرف قمته ..

او عشان تعرف انك اسأت اختيارك وتتعلم التمهل والحذر ..

لازم تنجرح من صاحبك .. عشان تعرف اد اية الدنيا دنيا مصالح ..

عشان تعرف اد اية انتا هنت علية بعد وفائك لية ..

وتتعلم ان مش اى واحد يتقاله صاحب ..

لازمـ تنداس عشان لما تقف على رجلك تتعلم متقعش ..

لان الوقوع صعب ومؤلم وانتا مش حمل دا ..

..........

دا مجرد احساس شخص وانا عبرت عنه


........


ايهاب جمال

هووووووبى

[فارس اليكس]

تعرف يا هوووبى انا معاك فى الاحساس ده فعلا اصعب شئ لما الكل يتخلى عنك تحس انك لوحدك غريب حتى وسط اهلك

تسلم يا جميل على الموضوع والاحساس الرائع

[l-lo0oBy]

فارس حبيبى

شكرا على مرورك الجميل زيك

وهو فعلا شعور قاسى

واتمنى انه ميطولش لأى حد

[تملي معاك]

مشكور ياهوبى على الموضوع
وفعلا اقسى اللحظات ان الانسان يحس
فيها انه لوحده
تحياتى لك

[l-lo0oBy]

شكرا تملى معاك

نورتى

[Love.For.Ever]

تسلم يا هوبى
واحساس صعب جدا

[moon_night]

احساس قوي جدا يا ايهاب ومافيش حد ما مرش بالاحساس ده والخيانه او الغدر من قريب او حبيب او صديق وكل دا عشان نتعلم وطول ما انت بتعامل ربنا وبتتقي الله في معاملتك للناس اكيد ربنا هيظهرلك الوحش عشان تعرف تكمل حياتك بلا خداع بيتهيالي انا ممكن اكتب صفحات رد علي كلامك لانه بيمس اوتار كتير عند كل من يقراء الرساله بتاعتك لان مافيش حد ما اتظلمش او اتصدم في حد غالي بس المهم نتعلم ومانظلمش احنا حد وربنا يهديك للصواب ان شاء الله وينور بصيرتك ولا تحزن علي مافات اكيد خيلا من ربنا علمك باللامور اللي شفتها عشان تغير ترتيب الامور بالاحسن بالتوفيق
اسفه اني طولت عليك واتمني ان اكون عرفت اوصل رايي

[l-lo0oBy]

لف شكرا لمرورك الكريم

مون لايت مرورك أسعدنى جدا وتعليقك تعليق جميل زيك

[nanalove]

الاصعب انك طول عمرك وحيد بلا انيس صاحب جليس اهل يحسوك تفهم يفهموك اصعب شئ انك تحس انك لوحدك واسالنى انا انا جربت الوحدة بس بقضى عليها بقربى من الله سبحانه وتعالى لانه بجد احن واحلى جليس والحمد للله
الف شكر

[داليا]

هوبى انت مش قولت احساس واحد تعرفه
انت قولت احساس مر على كل الناس
تسلم يا هوبى على كتاباتك الجميله