استحلفكم بلله انكم تساعدونى ضرورى جداا دى اول مرة اطلب فيها المساعدة منكم واما اشوف ه
بسم الله الرحمن الرحيم
انا محتاجاكم اوى هنا كلكم حد يقولى اعمل ايه ولا اتصرف ازاى بس بجد انا محتاجة ليكم اوى طبعا انتم كلكم عارفين ماساتى الى عشتها مع خطيبى وعرفتم كانت نهايتى معه انى وجدته فى غرفة نومى مع امى مش موضوعنا الان الموضوع الان ان الموضوع مر عليه فترة كبيرة جدا ومنكرش ان من هذه الفترة ومن الموقف نفسه ممكن اكون اصبت بنوع من عدم الثقه فى اى راجل حتى اقرب الناس ليا والله انا عرفت ولاد كتير جدا واتعاملت معهم سواء من خلال تعاملى فى الشغل او اى طريقة تانيه المهم انا وفجاءة كده جالى منام وقالى اصبرى انشاء الله خير كنت فرحانه اوى بالحلم ده يعنى الحمد لله
الصبر مفتاح الفرج المهم بعد الحلم ده اصبت بنوع من الحيرة ياترى الحلم ده معناه ايه ولا كده المهم فى يوم كده معرفش ايه الى خلانى انضم الى الاسكاى بى واخترت الشاب الى هكلمكم عنه الان حاجة شدتنى على الرغم من انى اصلا عمرى مادخلت على الاسكاى بى او عمرى ماتعاملت عليه المهم ضفت هذا الشخص وسبحان الله لقيت حاجة بتشدنى ليه وبتخالينى اتكلم معه المهم تحدثنا وكده وكنت كل مااتكلم معه اشعر وكانى اعرفه المهم هو بدا يكلمنى عن نفسه وكده وهو ايضا خارج من تجربة صعبه مع حبيبته وكده المهم انا هو كل واحد فينا اتعلق بالتانى والكل فينا مستغرب ايه السر فى ذلك فى كلامه معى هو محترم جدا ويمكن اكتر شئ عجبنى انه بيحافظ على كل الصلوات عارف ربنا اوى يعنى لما الظهر يدن وانا معه يتركنى ويذهب للصلاة ولو كلمته ساعت الصلاه الاقيه قافل موبيله غير كده وكده وجدته انسان طيب جدا جدا ومحترم وحنين جدا اتعلقت به جداا جداا واحببته جدا ويمكن دى مشكلتى الان انى اتعلقت به ممكن تقولوا لانى مفتقده الحنان ممكن الكل يجى ويقولى يابنتى انت خاجة من تجربة اليمة لابد ان تتريثى جيدا حتى لا تقعى فى تجربة اليمة تانيه انا معاكم المهم اكمل ليكم القصة ماشى
المهم هو ارسل لى صورته ذاد تعلقى به وانا ارسلت له صورتى المهم كل شوية اقوله انت بتعمل ايه يقولى فاتح صورتك وببص ليكى قالى انا اتمنى ان تكونى شريكه حياتى بجد انا مش عارف الى انا فيه ده ايه ولا ليه بجد ومش قادر اميز اذا كان ده حب ولا اعجاب بجد انت انسانه محترمة جدا ومش موجودة وكده بس انا محبش اظلمك معايا وكده وبينى وبينك انا خايف ارتبط بيكى اظلمك يعنى ممكن يتقدم لكى شخص احسن منى وكده وانتم عارفين باقى الكلام
انا بجد مش عارفه اعمل ايه ولا اتصرف ازاى انا متعلقه بيه جدا جدا وهو مش قادر يحدد الى هو فيه من نحيتى ده ايه حب ولا اعجاب اعمل ايه دلونى بليز ضرورى انا هتجنن بجد انا اول مرة اكون فى الحالة دى ولا فى الوضع ده وبجد انا مش عارفه اعمل ايه بينى وبينكم الواد عجبنى وهو على طول يوصينى على نفسى طبعا ممكن يكون هو بيعاملنى زى اخته او صديقته بس انا اتعلقت به ومن الاخر نفسى يكون من حظى ونصيبى ده طبعا باذن الله سبحانه وتعالى اعمل ايه ساعدونى ودى اول مرة اطلب منكم المساعدة ياريت تساعدونى
انا من رأيي تقابلي
مش حتخسري حاجة
اكيد في مكان عام وقدام الناس كلها
وتكلمي حتعرفي شخصيته اكتر عالحقيقة
ولو كان شب كويس زي ما يقلتي بيخاف ربنا
الي بيخاف ربنا ما ينخافش منه
وربنا يسهلك
التوقيع - BLuE
عائد قريبا ......... انتظروني
اذا كان الناس والزمان ضدي.........فانا احب واعشق التحدي
السلام عليكم ورمه الله وبركاته انا مع زيدان في كلامه انتي تخرجي تقابليه عل الحقيقه بس في حاجه بقي دلوقتي انتي بتقولي انك خارجه من تجربه ماسويه واكيد علشان تنسي شيء لازم تلجئي لنفس الشيء من جهة اخري ينسيكي اللي فات علشان تقدري تعيشي انا شايف انك مش واثقه من حبك ليه يعني ممكن يكون مثلا مجرد انسان اتكلم معاكي كلام محترم حسيتي بالامان معاه يبقي حب الحب مش عن طريق الشات وتجري علطول تعالي اتقدم ليا لا انتي لازم تقابليه وتعرفي منه اي هو طريقه وهو عايز ايه بالظبط واتمني انك تعدي من التجربه ده بخير وبعدين اللي بيحب حد اكيد هايضحي علشان حبيبي وهايكسر كل شيءيفكر يقف ادامه الا اذا كان الشيء ده هايكون فيه خطر في حيات حبيبه يعني مثلا انا شايف اني لو حبيت الانسانه ده واتجوزتها هاتحصل مشاكل كتيره وممكن تكون هي ضحيه للحب ده لو انا حاولت اني ابعدها عني يبقي ده فعلا حب لاني انا بصيت لادام وليها هي ولمستقبلها مش ليا :"> وفي كلامك بتقولي ( قالى انا اتمنى ان تكونى شريكه حياتى بجد انا مش عارف الى انا فيه ده ايه ولا ليه بجد ومش قادر اميز اذا كان ده حب ولا اعجاب بجد انت انسانه محترمة جدا ومش موجودة وكده بس انا محبش اظلمك معايا وكده وبينى وبينك انا خايف ارتبط بيكى اظلمك يعنى ممكن يتقدم لكى شخص احسن منى وكده وانتم عارفين باقى الكلام
) .. ده طبعا نقطه في الكلام بتاكدلي انك لازم تقابليه وزي ماقلتي انه يخاف ربنا يبقي مافيش خوف من مقابلته في مكان عام زي ماقال زيدان وبعدين مش معني انه قالك الكلام ده يبقي خلاص حب هو زي ماقال ممكن يكون اعجاب او حب فااتمني انك تتريثي كده وتحاولي انك تكوني هادئه في اختيارك وتفكيرك وبعدين كل واحد ونصيبه يعني مافيش اي خوف باذن الله ولا ضرر والله المستعان اتنا طبعا مش دكتور ولا فقيه بس حاولت بقدر الامكان اني اساعدك فياريت تقبلي مساعدتي وارشادي ليكي كجزء من اراء الكثير من اصحاب الخبره في الحاجات ده اتمني لك التوفيق والسعاده في حياتك اليوميه
الف شكر يا جماعة على الى رادوا وحاولوا يساعدونى بس ياجماعة انتم برضه مش فهمتونى من نحية شوفته انا فعلا شوفته وقابلته وكده وزاد تعلقى به جدا لانه شاب محترم جدا بس انا معرفش بقه هو من نحيتى ايه ولا قادرة احدد ده انا اتعلقت به وياجماعه ده مش اول شخص اقابله بعد ماساتى لاء انا قابلت ناس كتير واتعاملت معهم وكانوا واقفين جاانبى ده فى شئ غريب بيشدنى له وكمان انا عملت صلاة استخارة وانا مرتاحة بس مش عارفه هو ناوى على ايه ولا انا عارفه اعمل ايه دلونى اعمل ايه وفين باقى الاعضاء؟؟؟؟؟؟
نانا انا يرشفني اني اكون متابع لمشكلتك بس انا مش شايف ان فيه اي مشكله , انتي قلتي انك قابلتيه ومرتاحه ليه بس المشكله هنا انك عاوزه تعرفي ايه شعوره من ناحيتك طبعا انا حاسس من تعلقك بيه مش عارف تحددي اذا كان تعامله معاكي حب ولا اخويه ولا عطف ولا غيره بس انتي لازم تحددي موقفك وتعرفي منه اسأليه وبعدين الحب مافيهوش كسوف ولا خوف ده مش عيب ولا حرام انتي تقابليه تاني وتحاولي انك توصلي بكلامك معاه لنقط حساسه تقدر تخليكي تحسي بحبه ليكي عباره عن ايه وبرضه تساليه وتعرفيه انا عارف ان الشخص لما بيكون بيحب صعب عليه اننه يطلع كلمه بحبك للشخص ده بسهوله بس انتي كده ممكن تكوني بتوهمي نفسك وبتضيعي وقت معاه فارجوكي حاولي انك توصلي معاه لبر آمان ولما تخلصي الموضوع ده ابقي عرفينا ايه اللي حصل وباذن الله يكون خير وربنا يتمم بخير تحياتي لك نانا
قرأت مشكلتك أختى وأحسست بمدى ما تعانيه من حيرة وألم
وأتمنى من الله أنى أساعدك ولو برأيى فقط
أولا أن أختلف مع كل الأخوة اللى قالوا أنك تقابليه وكدا
لأن أفضل الطرق طبعا هى طرق الدار من بابها بمعنى لو نيته كويسة وكان صادق فى مشاعره معاكى فعلا أكيد هيكون حريص عليكى لأنك الأنسانة اللى تمناها كما قال لكى وحرصا على حبه ليكى هيخاف تضيعى من ايديه وهيجى يتقدم بطريقة رسمية ووقتها تقدروا تتعرفوا على بعض أكتر وتقدرى تقررى القرار السليم حتى لا تندمى فى يوم من الايام على اختيارك أو تحسى انك استعجلتى فى مشاعرك تجاهه
ولى كلمة صغيرة حبيبتى أنتى اتألمتى كثيرا فى تجربتك السابقة ولا زال الجرح ينزف فى صدرك وأخشى أنه يكون دا هو سبب تعلقك بيه وأخشى كذلك أنه يكون هو اللى استغل ألمك وحزنك دا عشان كدا بنصحك تفكرى جيدا حتى لا تزيد الآمك أو جروحك يوما
واليكى أختى هذا الرابط أتمنى أن تقرأي ما فيه جيدا وتضعيه نصب عينيكى قبل ما تتخذى أى قرار
اختي نانا انا مع راي عاشقه الفردوس خليه يجي يتقدم بطريقه رسميه احسن
وفكري بتاني واوعي تتسرعي,لان قلبك اكيد مش مستحمل اي جرح تاني,وربنا يوفقك انشاء الله
التوقيع - مها
لا ت*زن لان ال*زن يزعجك من الماضي ويخوفك من المستقبل ويذهب عليك يومك
لا ت*زن علي ما فاتك,فانه عندك نعما كثيره,فكر في نعم الله الجليله,وفي اياديه الجزيله,واشكره علي هذه النعم
لا ت*زن فان المرض يزول,والمصاب ي*ول,والذنب يغفر,والم*بوس يفك,والغائب يقدم,والعاصي يتوب,والفقير يغتني
لا ت*زن وعندك القران والذكر والدعاء والصلاه والصدقه وفعل المعروف والعمل النافع المثمر
أحبكم فى الله 
