اخطيت يوم اني طلبتك حنانك , لا صرت فاقد شي وشلون تعطيه ؟؟
مهما نطق لي بالمشاعر لسانك , شي بدون إحساس ماأقتنع فيه ..
إحساسك المصنوع خنته وخانك جاملتني به وانت تجهل معانيه
مني نصيحه تنفعك في زمانك
(( إلا شعورك لا تبيعه وتشريه ))
×× ... ][][ ... ××
كانك تبي الصدق والصدق يرضيك
لا عمري حبيتك ولا لك موده
وما قد طلبتك حب والله يخليك
وماقد فتحت الباب حتى اسده
هذا انا طبعي إن كان يرضيك
قلب مغرور ما رضخ ولا شي يرده
وكانك تبي صدق فالله يحييك
انت مثل ضيفٍ صعيب ارده
وخلك اكيد لا اقفيت , بخليك
وشهو المفارق غير كفي امــده
×× ... ][][ ... ××
تدرون وش يعني لا قالوا تحطمت ...؟؟
ومتى عرفت انه خلاص انتهينا
ساعة لمحت عيونه ثم تقدمت ..
وصد !!!
نسى مافااااااااات ولد اللذينا..!!
×× ... ][][ ... ××
انا اذكر يوم جيتني وبصدرك نزيف طعون
سحبت السيف ابفزع لك , وبسيفي طعنتني
×× ... ][][ ... ××
أبي اشوف بفراقي وشلون حالك؟
وش صار لك ووش جاك؟
أحلى لحظه عندي لحظة غيابك..
ولو تظن إني برجعلك , ظن بس بخيالك
×× ... ][][ ... ××
غب وأعتبر كل شي بيننا تسليه..
لا تحسب إني بعد فرقاك أظل احتريك
لا انت بطموح سرقت ذهني , ولا انت أمنيه ..
مالت على قلب من حبك , (( ومالت عليك ))
×× ... ][][ ... ××
على بالك أبي أرضيك على بالك ملكتني ؟؟
أنا غيرٍرٍرٍك ياولد الناس , وتوّك ماعرفتنـي
تتغلى !!!
وزود على تغليكـ
ترى مردك لي وبتجيني
×× ... ][][ ... ××
لحظهـ !!!!
هنا مفروض توقف وتفهم ؟؟
انك تمـوٍوٍوٍت
ولا تثيـر إهتمامي ..
×× ... ][][ ... ××
توقعت انه بفراقك تقوم الدنيا وتقعد
وأثاري الفرقا عاديه , ولا حسيت بفراقكـ !!!
×× ... ][][ ... ××
إلا الوفاء ماله بقلبك بقايا
عند الذي مثلك أظن
الوفا عــــــــيـــــــب ...!!
×× ... ][][ ... ××
كانك نويت الهجر ؟ انا قبلك نويته ..
قربك غدى في ناظري مثل فرقاك
ماعاد أبي وصلك وحبّـك نسيته ..
غيرك كثير وراحة القلب جفواك
ماوالله أحدٍ في حياتي رجيته ..
لاتنتظر لحظه أجي وأترجّاك
حبّـك رحل عن خافقي مابكيته ..
(( لاتحسب إنّي ميّت فيك وأهواك ))
×× ... ][][ ... ××
علاقتنا بدت كذبه وصارت بالهوى أوهام
وين الحب وكل واحد بدا يكذب على الثاني..
علاقة حب مابيها شبعت جروح مع آلام ..
شبعت من السهر شف غموضك وين ودانــي
×× ... ][][ ... ××
ترى طابت النفس منك
ماأبيك انا لو الهنا بإيدك ومنك
ياقوي الباس
ياللي بلا احساس
ماخبرت الحب ينداس
وماهقيت اني جرحتك ...
×× ... ][][ ... ××
انت بنيت الحب وانت هدمته..
الله اكبر من يسوي سواتك...؟؟
مره لبست الحب ومره فصخته..
هذا الهوى لاتحسب انه شماغك
×× ... ][][ ... ××
ماعاد تفرق لو تجي صدمتي فيك ..
صدمات عمري زودتني مناعه
متساويه عندي , وإذا قلت مااخفيك ..
(( كل شي أحبه اتوقع ضياعه ))
×× ... ][][ ... ××
ماادري أعاتب قلبي اللي ذكره
وإلا اعاتب قلبه اللي نساني ..
في الحالتين : الدمع طاح وشكره
وفي الحالتين , الحزن ألغى مكاني ...
×× ... ][][ ... ××
اصحى من أحلامك كفايه أماني..
عيش ولو مره بنار الحقيقه
قلبي لقى له للأسف حب ثاني..
قلبٍ يعوضني غلاك بدقيقـه
ليه أحبك وأدري إني في بحر غدرك غريـق ؟!!
وليه أتصفّح حياتـك دام عذّبنـي الغـلاف ؟؟
إن عشقتك صدقني كني عاشق لـي حريـق
الحَطب عمري ، ونارك بس تآكل ما تخـاف
×× ... ][][ ... ××
أي محبه وأي عشره وأي حنان؟؟
وأي شوق اللي انت تتكلم عليه؟؟
يعني واثق ان باقي لك مكان؟؟
وإن قلبي يرد لو تجيه؟؟
قلبي اللي غلطته حبك وصان
لو يصافح قلبك كنت اقطع له ايديه
أي محبه بعد مافات الأوان؟؟
أي حنان اللي تبي تعوضني فيه؟؟
وين كنت يوم انا احتجتلك زمان؟؟
وين حبك يوم انا ميت عليك؟؟
روح للي لأجله بعت الحب زمان
بس لاتنسى تسلملي عليه ...!!!!!
×× ... ][][ ... ××
ياللي جاي تهدد تحسب إنك
قدي
ولا عرفت من ابوي
وجدي
بعدك يابابا ماشفت ولاعرفت
التحدي
عهد علي لأخليك تكلم نفسك وانت
ماتدري ...!
×× ... ][][ ... ××
آسفه إذا لك قلت انسى زماني
ماهو بيدي قلبي اليوم ناسيك
حبك نسيته يوم قلبك جفاني
أبعد وانا ببعد ولا لي بطاريك
شلون احب انسان طبعه اناني
لا مايصير تبيع فيني , واشريك ؟
اتبع طريقك خلني في مكاني
يكفي جروح منك الله يخليك
ياما بكيتك لين دمعي نساني
ياما ترجتك ولا فايدة فيك
الحين جيت تقول انسى عشاني
جابك زمانك خلك اليوم
((( ما أبيــــــــكـ ))) ..
×× ... ][][ ... ××
تحسبني ميت عليك؟
صدقني تراك غلطان..
(احبك) انا قلتها صحيح!
بس ترى وش كثرها بهالزمان..
هي كلمه زيها زي غيرها عند الناس صارت دايم تنقال..
ايه نعم مني سمعتها !!!
بس تراني ماأعتبرها إلا زلة
لســـــان .........!!!
×× ... ][][ ... ××
بارده أعصابك حبيبي وش عليك .. حظرتك مرتاح والنار بيدي
الخطأ قـلـبــي وضـعـتـه بين يديك .. ولاحسبت انك تخونه ويغدي
واطـــي وعـلـّيـت شـانك يوم أبـيـك .. وفي سما قلبي جعلتك لي جدي
كنت اعـنّـي نـفسي من شانك وأجيك .. وكنت أظنك بالعطايا أجودي ؟؟
عـيـبـي إني بالصراحه مشتريك .. وعيبك انك بالتلاعب مقتدي
قــلــبــي الـلي ماتـعـلـّم من هـذيـك ؟؟ .. وأنت بي أدرى وعارف مقصدي
الختام بكلمتي ][ مالت عليك ][
وااااااااااطي وعلّيت شانك يا ردي ... !!
×× ... ][][ ... ××
خلقت انا لي شموخ
وهامه
ماطالها حتى طويلين
الأنفاس
وكونت لي عرشٍ رفيعٍ
مقامه
ماياصله جن ولا ياصله
ناس
ورفعت نفسي فوق هام
الغمامه
اشوف زلات البشر وارفع
الراس
واليوم كلن خصني
بإحترامه
واللي معاديني بالأقدام
ينداس ....!
.
.
.
.
.
(( مالت عليك ))
العرض العادي
