اتعبنـي الترقيـم مـن سـوق لـي ســوق
كنـي موظـف فـي حـراسـات الأســواق
لزقـت فيهـا لزقـة عـلك بـاطـوق
حـتـى عرفـنـي كــل بـايـع وســواق
مـن شافـنـي يـقـول تـاجـر ومـرمـوق
فـي اللبـس انـا رسـمـي ورايــق وذواق
وانـا منـتـف فــي الحقيـقـة ومـزنـوق
حظـي مجـنـب بــي عــن دروب الأرزاق
عقلـي مــن الخـفـرات لاذع ومـحـروق
مـن يفتحـون السـوق وانـا علـى ســاق
الحـق بنـات الـنـاس هـايـم ومطـفـوق
ومخبـاي مليـانـه مــن أركــان الأوراق
شبّكت هند و ريـم والثالثـة شوق
والرابعة وعـد والخامسـة أشواق
دايــم وجـوالـي عـلـى الآذن ملـصـوق
محبوبتـي مــا تحتـمـل بـعـد وإفــراق
تقول تامـر وإسمـي الصـدق مـرزوق
لا يابعد تامر و مـرزوق و إسحـاق
ألعـب عليهـا لـعـب عـاشـق بمعـشـوق
وأبنـي بـراس الحلـوه جـسـور وأنـفـاق
هذي سلوم اهل الهوى كلها بوق
أكثر ضحايا الناس في الوقت عشـاق
ملطوش
شاعر يغازل
شارك 
العرض العادي
