غرفه تعذيب المشرفين - اكيد الاعضاء عاوزه ت

[العميل1001]

اللعبة عبارة عن خمسين سؤال لكل مشرف

قوانين اللعبة
1- يحق للعضو او المشرف سؤال خمس اسئلة فقط لا غير .. السؤال السادس لن يجاب عليه
2- يحق فقط لــ10 أعضاء أو مشرفين السؤال لنفس المشرف
يعني 7 أعضاء أو مشـرفين يسال كل واحد منهم 5 اسئلة يبقي مجموع الاسئلة للمشرف 35 وبعد كده ننتقل لمشرف أخر
3- المشرف التالي هيختاره المشرف اللي كان بيتسال .
4- لا يحق السؤال طالما توجد اسئلة لم يجاوب عليها المشرف
5- لا تحتوي الاسئلة علي اسئلة تسبب احراج او تدخل عميق بالشئون الشخصية الا أذا وافق المشرف عليها.
6- لا تحتوي الاسئلة علي أكتر من سؤال في سؤال واحد
7- لكل مشرف مده أسبوع واحد فقط داخل الغرفة((فى حالة أذا سأله اقل من 10 اعضاء او مشرفين او تأخر فى الــرد لأى سبب من الاسباب )) وسيدخل مشرف أخر فى اليوم الثامن

خلاص كده خلصت شروط الغرفة

اول مشـــــــرف أختــــــاره هو (hooby)

أبــــدا الاسئلة

1- قول مكونات البطاقة الشخصية كاملة ولو مفيش بطاقة يبقي شهادة الميلاد .

2- ايه اكتر حاجة ممكن تنرفزك باعتبارك راجل ؟
3- ايه هو الحب بالنسبة لك ؟
4- لو بصيت لقيت صاحبك ( الانتيم ) بيحاول يخطف منك اللي انت بتحبها تتصرف ازاي .
5- هحطك في موقف واختار ايه هيكون الحل اللي هتعمله ...
( وانت في الكلية وحصل موقف بينك وبين الدكتور في المحاضرة انه وقفك وقالك انت بتاخد Course وقالك اطلع بره المحاضرة ومعدتش تدخلي محاضرات تانية وهسقطك طول مدة وجودك في الكلية وانت اصلا ولا بتاخد كورس ولا حتي اسبرينه ... وفي الاخر انت اخدت ورد وهدية صغننة كده وروحت للدكتور المكتب عشان تفهم الموضوع لقيته بيقولك اعتذرلي قدام الدفعة بالكامل ... هتعمل ايه
هل هتعتذرله قدام الدفعة كلها وتتخلي عن كرامتك عشان انت معملتش حاجة اصلا
او هتخليه يسقطك وينتهي بيك الحوار انك أعوذ بالله ( سقيط في الكلية )
ومتقولش انت هتمشي وتسيب الكلية

انا كده خلصت اسئلة وممنوع ان حد يسأل المشرف اي اسئلة تانية لحد ما يجاوب علي ال5 اسئلة المطروحة

ارجو التثبيت

[abou-goda]

ياعيني عليك يابني ايه التوبيك الجميل ده
شكرا ليك يااحمد علي حاجاتك الجامده
وبعدين فين هوبي انا شايف ان مافيش اي سؤال فيه اي صعوبه خالص
ربنا يقويك

[l-lo0oBy]

اهلا أهلا

طب ليه الحاجات دى طب ياباشا ابعتلى قولى حتى دا أنا كنت حخلع خلاص

وبعدين انت قولت للمشرفين دا انا مراقب ياعم هههههه

أه وعلى فكره أنا اسمى hooby مش hoopy

ماعلينا بقى أمرنا لله حنرد

........

1- قول مكونات البطاقة الشخصية كاملة ولو مفيش بطاقة يبقي شهادة الميلاد .

الاسم / ايهاب جمال السيد

27 / 8 / 1984

العنوان / طنطا الجوهريه

الوظيفه / موظف بالبريد ( وعلى فكره طالب بكليه تجاره فى نفس الوقت )


2- ايه اكتر حاجة ممكن تنرفزك باعتبارك راجل ؟
هو عموما مش حكايه انى راجل ولا أنا مبحبش الظلم وكمان مبحبش أدى الطيبه والحنيه واخد عكس كده ودا بجد بيحزنى بس صعب أتنرفز
3- ايه هو الحب بالنسبة لك ؟
والله بجد انا راجل بحب أى شئ عشان يبقى كل شئ حلو فى عينيا يعنى تقدر تقول ان الحب بيغذينى
حب العشق بقى هو عموما أجمل مشاعر بين اتنين يعنى بيحسوا ببعض وبيخافوا على بعض بتبقى الدنيا أجمل لو كانوا مع بعض وتصدقنى لو قولتلك ان الحب جميل فى كل حاجه فيه من شوق وحيره وبعد وخوف وقلق

لأنه فى الأخر لو نولت اللى انت عايزه حيبقى أجمل احساس فى الوجود

4- لو بصيت لقيت صاحبك ( الانتيم ) بيحاول يخطف منك اللي انت بتحبها تتصرف ازاي .
أكيد ححمى حبى باى طريقه ومش حبقى عليه لانه ساعتها ميكونش حبى اما لو هى كمان عايزاه يبقى مفيش لوم عليه
5- هحطك في موقف واختار ايه هيكون الحل اللي هتعمله ...
( وانت في الكلية وحصل موقف بينك وبين الدكتور في المحاضرة انه وقفك وقالك انت بتاخد Course وقالك اطلع بره المحاضرة ومعدتش تدخلي محاضرات تانية وهسقطك طول مدة وجودك في الكلية وانت اصلا ولا بتاخد كورس ولا حتي اسبرينه ... وفي الاخر انت اخدت ورد وهدية صغننة كده وروحت للدكتور المكتب عشان تفهم الموضوع لقيته بيقولك اعتذرلي قدام الدفعة بالكامل ... هتعمل ايه
هل هتعتذرله قدام الدفعة كلها وتتخلي عن كرامتك عشان انت معملتش حاجة اصلا
او هتخليه يسقطك وينتهي بيك الحوار انك أعوذ بالله ( سقيط في الكلية )
ومتقولش انت هتمشي وتسيب الكلية

وأنا حقولك انى عمرى ما حعتذر عشان أنا مغلطش عشان أعتذر لو كانت فيها انى حسقط زى مابتقول وحودع الكليه بس كرامتى فوق كل شئ

وعلى فكره تقريبا حصلى نفس الموقف ويمكن أصعب فى شغلى ولحد دلوقتى بعانى منه

بس أنا ميهمنيش الا كرامتى فى الأول وفى الأخر

بس برضه ميمنعش لو انا غلطان اكيد حعتذر

........

تسلم يا أحمد

ومش عايزين تانى بقى

[abou-goda]

اولا اهلا بيك ياهوبي في برنامج حوار صريح مكون من خمسه اسئله
وبعدين انت هاتهرب هاتروح فين انت في الفرسان يعني وراك وراك
المهم ::
نشوف اسئله بقي
1- ايهاب انت طبعا اسمك هوبي ملك الرومانسيه ( انا بقي كنت عايز اعرف ايه هي الرومانسيه من وجهة نظرك انت الشخصيه ) ؟
2- ايه اقوي وافظع شيء رائيته في حياتك ؟
3- من اين اتعرفت علي منتدي الفرسان وكان ايه هدفك لما سجلت فيه ؟
4- انت شكلك كده حصل معاك قصص رومانسيه كتير ( ايه كانت اقوي قصه رومانسيه حصلتلك -في اي فتره من عمرك واستمرت اد ايه واذا كانت انتهت وده شيء اكيد ايه السبب وهل لسه بتحبها ) ؟
5-ايهاب لو انت بتعز صديق ليك لدرجه انك تقبل الحلوه ليه وكل شيء بتطلبه يكون معاك وتتمني انكم ماتتفرقوش عن بعض ( لو جه الصديق ده وغدر بيك في يوم من الايام وحاول انه يجرحك وانت مع حبيبتك ) ياتري رده فعلك ايه عن شرط هو كان قاصد بس انت ماكنتش متوقع انه بيتكلم بجد ؟
*******
*******

اتمني انها تكون واضحه وياريت الاجابه بسرعه علشان الحق انفذ :P:P

[l-lo0oBy]

- ايهاب انت طبعا اسمك هوبي ملك الرومانسيه ( انا بقي كنت عايز اعرف ايه هي الرومانسيه من وجهة نظرك انت الشخصيه ) ؟
بس فى الأول عايز أقول ان ملك الرومانسيه دى مش انا اللى كاتبها لأنى مينفعش أوصف نفسى
اما الرومانسيه والله انا من وجهه نظرى انها موجوده فى حياتنا العاديه عموما مش لازم الحب بس يعنى موجوده فى تعاملاتنا مع الناس فى هدوئنا ف رقتنا فى احترامنا لكل اللى بنتعامل معاهم أنا فى الحب دا بتتصور الرومانسيه بجو هادى وشموع وكده وكلام متزوء بس هو المهم يكون فيه كلام من القلب واحترام
2- ايه اقوي وافظع شيء رائيته في حياتك ؟
والله هما كتير بس فيه موقف انى شوفت واحده بترمى نفسها من الدور السادس
3- من اين اتعرفت علي منتدي الفرسان وكان ايه هدفك لما سجلت فيه ؟
والله انا بعتلى الرابط الروش
وعموما كنت داخل المنتدى وكل طموحى انى أكون محبوب من الناس ودخلته كمان لأن اكتر اللى موجودين هنا أياميها كانو معايا فى منتديات تانيه
وعلى فكره مكنش عندى هدف انى ابقى مشرف حتى واللى ميعرفوش حد انى كنت داخل المتتدى وكان بينى وبين مسلم مدير المنتدى سوء تفاهم يعنى بس طبعا مسلم حبيب قلبى دلوقتى
4- انت شكلك كده حصل معاك قصص رومانسيه كتير ( ايه كانت اقوي قصه رومانسيه حصلتلك -في اي فتره من عمرك واستمرت اد ايه واذا كانت انتهت وده شيء اكيد ايه السبب وهل لسه بتحبها ) ؟
والله تصدقنى لو قولتلك انى عمرى ماعيشت قصه حب كل اللى حصلى كان مجرد اعجاب وعمره ماتتطور لحب وأدعيلى بقى تكمل الحكايه ونعرف نحب
5-ايهاب لو انت بتعز صديق ليك لدرجه انك تقبل الحلوه ليه وكل شيء بتطلبه يكون معاك وتتمني انكم ماتتفرقوش عن بعض ( لو جه الصديق ده وغدر بيك في يوم من الايام وحاول انه يجرحك وانت مع حبيبتك ) ياتري رده فعلك ايه عن شرط هو كان قاصد بس انت ماكنتش متوقع انه بيتكلم بجد ؟
والله انا قولتها قبل كده اللى مش بيراعى مشاعرى عمره مايكون صاحبى أو صديقى وأكيد مش حبقى عليه

.......

شكرا يا أبو جوده

[دمعه الم]

اووووووووبا اغيب كام يوم ارجع الائيكـ ف المصيدهـ

تعلالي يا جميل

اول حاجه منور الغرفه ودا مش جديد (( يلا بئه خليها عليا ))

ندخل بئه ف الاسئله

....:::::....

1: ايه الدروس الي اتعلمتها من الدنيا وتنصحنا كلنا بيها ...؟؟

2:ايه اكتر حاجه فـ المنتدى بتزعلكـ/بتفرحكــ وبصراحه ...؟؟

3: تعددتـ مسميات الحب بمفاهيم كتير .. ياترى لو ئولتلكـ اختار مفهوم واحد

للحبـ مش معروفـ ... ياترى هتختار ايه ...؟؟

4: تفتكر انتا اتظلمتــــ ((سواء اهـ او لا)) ياريت بــــ السبب ...؟؟

5: عرفلنا ايهاب جمال في جمله واحدهـ من اختياركـ ....؟؟؟

يا خسارهـ خلصو الاسئله بس عامتاً كفايه كدا

وميرسي يا احمد ع التوبكـ دا

..