أنا عارف أنهم مش قد المقام ... بس هنعمل ايه ما باليد حيلة
*مره ضابط شرطه لقى 3 محششين قاعدين بيحششو فى الشارع فاخدهم عالبوكس و هم فى الطريق صعبو عليه قالهم عايزين تروحو قالولو ايوه يا باشا و الله تبقى ميه ميه
قالهم خلاص اللى حيقولى جمله فيها كلمه ( لع ) حنروحو
الاول قاله انا اسرق و اقتل و اعمل كل حاجه لكن اشرب خمره لع قاله خلاص اتوكل على الله
التانى قاله انا اقتل و اشرب خمره و اعمل كل حاجه لكن اسرق لع قاله خلاص اتوكل على الله
التالت قاله يا باشا لو قلت لك الحقيقه حتصدقنى الضابط قاله لع قاله اتوكل على الله يا باشا
*كان فى مره واحد اعمى و واحد مكسح راكبين على عجله جات عربيه خبطتهم
المكسح قال للاعمى نطلع نجري وراها الاعمى قاله خلاص يامفتح انا اخدت نمرتها
*كان فى مره 2 اخوات محششين عايزين يولعو سجارتين و مش لاقيين حاجه يولعو بيها الاول قال للتانى روح يابنى شوف لنا علبه كبريت نولعو بيها السجارتين راح نزل الشارع و كل مايسأل واحد معاك علبه كبريت يقوله لأ مماعييش الا و لاعه يقوله لا خلاص ماتنفعش
اخر مازهق راح لاخوه و قاله مفيش حد معاه علبه كبريت كلهم معاهم و لاعات اخوه قاله ياغبى كنت هات ولاعه اهى حتولع برضو اخوه التانى قاله انت ماقلتليش هات و لاعه قاله خلاص روح دور لنا على ولاعه
نزل الشارع يدور على ولاعه كل مايسأل واحد معاك و لاعه يقوله لأ مماعييش الا علبه كبريت يقوله خلاص ماتنفعش
اخر مازهق راح لاخوه و قاله مفيش حد معاه ولاعه كلهم معاهم علبه كبريت قاله و الله انت غبى انا مش لسه قايللك من شويه روح هات علبه كبريت دانت غبى خالص طفى ياد الشمع و اتخمد
*اليسا و نانسى و هيفاء قاعدين بيتكلموا فى الطياره عن الجواز
اليسا قالت انا نفسى اتجوز ضابط
و هيفاء قالت انا نفسى اتجوز واحد صينى
و نانسى قالت انا نفسى اتجوز لعيب كورة
راح واحد من اللى كانوا قاعدين سمعهم راح قايلهم
اعرفكم بنفسي العقيد شونج ميونج الشهير بابو تريكه
*مره واحد لقى مصباح علاء الدين دعك المصباح طلعله الجنى
قاله شبيك لبيك عبدك و خدامك بين ايديك
الراجل قاله عاوز بجنيه عيش
قاله بس كده ده طلب سهل خالص
راح الجنى و قعد ساعه و ساعتين و تلاته و لسه ماجاش
فالراجل دعك المصباح مره تانيه
طلعله الجنى و قاله كده يا غبى طلعتنى من الطابور
*مره واحد صعيدى راكب تاكس راح سواق التاكس خبط واحد
فقال للصعيدى انزل شوفه مات و لا لسه
راح الصعيدى قاله تعالى تعالى تعالى بسسس هو كده مات
يارب تكون عجبتكم قولولى رايكم ضرورى
التوقيع - الفارس العاشق
ஐ..●◦° °◦●..ஐ
لن تستمتع بالسعادة إلا بتقاسمتها مع الآخرين
اذا خـدعـك شخص مرة فهو *قير ، واذا خـدعـك مرتين فأنت مغفل
أسـعـد القلوب .. التي تنبض بال*ب للآخرين لا الفقر ولا الغنى يضمنان السعادة
بال*ــب لا نعـقـل وبالعـقـل لا ن*ــب
ஐ..●◦° °◦●..ஐ
التعديل الأخير تم بواسطة : eimie بتاريخ 03-05-2007 الساعة 11:11 AM.
السبب: الرجاء لا تدخل المشايخ في النكت
أنا عارف أنهم مش قد المقام ... بس هنعمل ايه ما باليد حيلة
شارك 
