| الفرسان - برامج - دردشة - العاب - تفسير الاحلام - مجلة الفرسان - تحميل الصور - العاب كمبيوتر - دليل القمة - العاب بنات - العاب ذكاء - العاب للكبار - العاب اطفال - العاب ورقية - العاب دراجات - العاب حربية - العاب مضحكة - العاب سيارات - العاب رياضية - مصراوي - منتديات مصراوي - Games |
| |||||||
| شباب الفرسان لمناقشة كل ما يتعلق بالفرسان العرب شباب المستقبل |
 |
04-29-2007, 01:11 PM
| ||||
| ||||
 يا حبيبى( بابا ) تعالى الحقنى شوف الى جرالى ..هام جدا يا حبيبى( بابا ) تعالى الحقنى شوف الى جرالى .. لو كنت نايم اصحى مش وقته، و لو كنت فى شغلك سيبه وتعالى ، و لو كنت مع اصحابك سبهم وتعالى الحقنى منغير ما تتاخر .. يا ابويا الحقنى فى الى صابنى بسهامه .. فى الى بيلعب بعواطفي ويدغدغ مشاعري بكلام مسمعتوش أبدا .. ! فى الى لاقالى الى كنت عايزاه وبتمناه منك ومن أمي وإخوتي من زمان اوى .. ايوة يا أبويا فى الى قدر يمسكنى من ايدى الى بتوجعنى .. ! مش عارفه ايه الى شدنى ليه .. ؟ فرحتنى كلماته الي حسيت زى ما تكون حبل حولين رقبتى ، والى بحس أنها وخدانى للى خايفه منه والى انت كمان كنت خايف منه قبلى .. صدقني معرفش ازاى حصل ده .. ؟ في لحظة فراغ ولعب وبحث منغير وعى ولا تفكير عن حاجة سريعة حاجة كده زى التيكاوى أروي بها عطشى وعاطفتي ؛ وقعت مغير ما حس ( ومحدش سمى عليا ) بولد تقول كلماته أنه هو الى هيروي ليا عطشى .. أنا الى هوفر لك الحنان والسعادة الى مش موجودين فى بيتى ، تقول كلماته أنا الى هحترمك وهقدرك هناديكى بأحب الأسماء والألقاب إليك ( بيبى - حبيبتى - بطة - روح قلبى .... ) ، كلامه بيقول كتير اوى كلام عمرى مكنت هتصور انى ممكن اسمعه فى يوم من الايام غير كمان اهتمامه الشديد بيا .. !! كان كلامه حولين رقبتى وبيجذبني إليه منغير أي مقاومة أو تعب مني .. ! ومش هكدب عليك لو قولتلك انى لقيت نفسى بجرى ورى الكلام ده وورى الشاب ده وبشده وبلهفه منى .. ! ايوة انا كنت بجرى وراه وانا عارفه ومتاكده ان الكلام ده بيلمع ويزغلل فى عينى وفى ودنى لكنه ممكن يودينى فى دهيه ويضيعنى وممكن ياخد منى شرفى وعفتى وكل معانى النزاهة الى انت منتظرها والى عايزها منى .. ! كنت عارفه .. لكن نفسي الفقيرة ووجداني الفاضى من عطفك وبرد حنانك ؛ هما الى دفعونى وخالونى أسراع الخطى خلف ذلك الشاب ( الماكر ) الي قدر بذكائه أن يفعل معي مالم تفعله أنت وأمي وإخوتي جميعا .. ! انا مش هبالغ لو قولتلك بأنه أشعرني بأنني إنسانة من الممكن أن يكون لها احترامها وتوقيرها بعد أن كانت قناعتي في ذلك أن البنت مثلي ليس لها كرامة ولا وزن ، وإنما حقها أن تُنهر وتلام وتضطهد تحت وطأت التسلط والسيادة .. ! كنت وأنا أسمع كلمات هذا الشاب - وبجد معرفش انا لقيته فين ولا ازاى - كنت بسترجع بذاكرتي ازاى كنت بتعاملني بقسوة مقززة و مفزعة ليس لها مبرر .. ! كنت أسترجع تحطيمك المتواصل لي بين اخوتي وأخواتي .. ! كنت استرجع ضربك الي ممكن يكون على أتفه الأمور .. ! كنت أسترجع بذاكرتي الأليمة بعدك عني رغم وجودي معك في بيت واحد وتحت سقف واحد .. ! كنت أتذكر وأنا أتذوق كلمات هذا الشاب ما كانت تفعله أمي بي بين زميلاتها وقريباتها ..! من طردي من المكان الى هما فيه لما اعمل اى حاجة غلط أو لما اتاخر فى عمل حاجة هيا طلبتها منى .. ! والله يا بابا كان كلام الولد ده ينبش جراحي ويوهمني بلملمتها من حيث لا أشعر .. ! كل هذا يا أبي أذكره بألم تقرعه كلمات هذا الشاب الذي لا زلت أصر على أنه ماكر بيصطاد في الماء العكرة .. لحد ما بقيت في صراع معه ومع نفسي وذاكرتي الحزينة التي تتربع أنت على أكبر سهم فيها .. ! بسرعه يا بابا الحقنى قبل ما أغرق في مستنقع الرذيلة وأكون بعد ذلك قصة يتلاك ويعجن بيها فى كل مكان .. ! أشعرني بكياني أرجوك وبوجودي كإنسانة لها عزة وكرامة .. مش إنسانة تشعر بأنها ضيف ثقيل تنتظرون فراقه في أي لحظة اى يحد يخبط على الباب ليخطبنى .. ! بسرعة يا بابا عوضني النقص الي بيساومني بيه هذا الشاب ويساوم أسرتي معه .. صدقني انا مش بطلب المستحيل ولا أطلب المطالب الصعبة أبدا .. كل الذي أريده أن تعاملني كما تحب أن يعاملك الناس .. عاملني برفق ولين بدلا من العنف والقسوة الى بتلبسهما قدامى وتقلعها قدام الناس .. ! عوضني النقص الى بدور عليه ، والى يريد هذا الشاب أن يصطادني من خلاله .. أروي عاطفتي من أجل أن تقطع الطريق على كل من يريد الحاق بي وإسقاطي .. ايوة يا بابا كل الى عايزاه منك ( الدلال ) .. الذي فقدته من سن السابعة أو العاشرة .. عايزة الدلال ده الي يربطني بك وبأسرتي ويغنيني عن كل واحد بيلعب وبيتسلى .. تنازل يا أبي عن جبروتك وعزتك وأنفتك وصوتك العالى .. وانزل إلى مستوى ابنتك التي توشك أن تضيع بسببك .. ! انزل إلى مستوى ابنتك التي يكفيها منك أحيانا الابتسامة أو العطف البسيط على أي حاجة اعملها .. ! صدقني انا مش مغفلة يا أبي .. ومش عايزاك تفتكر ده فى يوم لما تعرف أني مشيت ورى الشاب ده .. لا والله انا مش ساقطة يوم أن كلمته أو هاتفته على غفلة منك ومن أمي .. كل مافي الأمر أنني أعيش بلا حنان .. أعيش فراغا عاطفيا أوهمني هذا الشاب بأنه من سيعوضه ويحققه لي بأسرع وقت .. الفراغ ده يا بويا الى انت مقدرتش تملاه ببرد أبوتك وعطفك فقد يملأه عبث العابثين من المتخصصين في سرقة الطهر والعفاف .. ! مش عايزاك تفهمنى غلط يا بويا .. أنا مش ببرر لنفسي ولا لأي بنت تقع في الغلط علشان المعاملة الوحشة .. لا البنت مطالبة بأن تعف نفسها بنفسها وأن تكون حذرة ذكية من الذئاب من حولها حتى و لو كانت في بيت محروم من الحنان .. لأن شرف الفتاة وسمعتها كالزجاجة إذا انكسرت صعب تصليحها .. مفيش لأي بنت عذر في أن تضيع هذا الشرف بحجة انها بتدور عن عاطفة .. وليس لها الحق في أن تعالج الخطأ بخطأ أسوء .. كل الى عايزة اقوله ليك يا ولدى .. انك لازم تعرف أن القسوة والجفاء خشبتان من الممكن أن تُعلق بهما عفة الفتاة وينحر بعد ذلك تحتهما شرفها ومنغير ما تشعر انت .. !! مش عارفه هل هتهزك كلماتي هذه وتخاليك تسرع من مشيتك علشان تنقذنى وتخدنى من الخطر الى حواليا .. ؟ هل هيخاليك تغير اتجاهاك نحو وتحس بيا ؟ ولا هتقراها على أنها من بنت مبالغه للامور معندهاش خبرة في الحياة .. بنت طايشة بتقول كلام هيا مش عارفه معناه ولا اهميته .. ! باختصار شديد يا بوبا أنا بشكيلك من جرح عميق أنت طبيبه ولو حد تانى وصله قبلك هيبوظه وهيكون صعب اصلاحه .. ! يا ترى هتعمل ايه .. ؟! ابنتك من على حافة الهاوي .. ! ----------- ----------- ايوة هي دى الحقيقة الى المفروض محدش يغفل عنها كل أب وكل أم .. لازم يعرفوا ان الآباء والأمهات وكل معني بالتربية أن السنارة التي يرميها الولد ده والى زيه على البنت البائسة والى زيها.. مكنتش هذه السنارة او الشبكة دى هتتنصب لو مكنش فى معامله وحشة للبنات لو اتنصبت هتقع بعيدا كل البعد عن كل بنت تعيش وسط حنان الأبوة والأمومة .. السنارة دى هتنكسر فى ايد البنت نفسها إن هي أشبعت واتغذت بتغذية أسرية نافعة . ولا انت رايكم ايه فى الكلام ده اكيد هنتظر رايكم موضوع للنقاش الجاد
__________________       |
|
04-29-2007, 01:45 PM
| |||
| |||
| طبعا يا مارو متميزه كعاده كل مواضيعك بصى انا من الاول وبصراحه ضد فكره الارتباط (دا ليا انا)لكن كل واحد حر فانا بتكلم من خلال وجهه نظرى والى انا مقتنعه بيه يمكن اول ما قريت مكنتش معاكى لان مهما كانت الظروف الى بتمر بيها ومهما كانت القسوه الى بتتعامل بيها البنت دا ميدهاش تخون ثقه اهلها فيها ولا يديها الحق انها تغلط بالعكس بدل ما دور بره تروح تعامل اهلها احسن تطلع الحنان والطيبه الى جوى قلبهم لان استحاله يكون فى اب او ام قسين على ولادهم لكن ممكن الاب والام دول بيعبروا عن حبهم وعن خوفهم على اولاده بطريقه غلط تبان لينا على انها قسوه مع انها قمه الحب لازم البنات دى تبحث داخل اهليهم عن الحب تعاملهم احسن تفهم انها كبرت واد ثقتهم وان خوفهم الى بيبان فى صوره قسوه دا ملوش لازمه تحاول تغير من معامله اهلها ليها لكن فى الاخر قولتى أنا مش ببرر لنفسي ولا لأي بنت تقع في الغلط علشان المعاملة الوحشة .. فخلاص عرفت وجهه نظرك واكيد مفيش اى حاجه تبرر الغلط بجد موضوع تحفه يا مارو لانه بيمس بنات كتير اوى للاسف بيفكروا كدا ومنكرش انى ساعات بعزرهم
__________________ حبيتك انا مع ان الحب اللى جمعنا مبقاش له مكان زى زمان ابدا ولا معنى  بحبك يا عاشقه الفردوس  مش كل حلم بنحلمه لازم فى يوم هنحققه مش كل قلب بنفهمه مش اى حب نصدقه مش كل سكه هنمشى فيها النجوم هتبان لنا مش اى صحاب نسأله السكه فين هيدلنا ممكن نعيش وحدنا ممكن نموت وحدنا يعنى مفيش فى الدنيا الا حقيقه واحده ربنــــــــــــــــا |
|
04-29-2007, 03:03 PM
| ||||
| ||||
| موضوع رائع وجميل ومعبر جداااااااااا ومعك حق فى ان ما ان شعرت الفتاة بالاهتمام والحب والحنان فتاكدى انها لن تسقط فى الهاوية او خطا الرذيلة ابدااا اهنئك على الموضوع الجميل
__________________  لو تدرى معنى الحب وعذابه واشواق القلب لاتيت الى راكضا تتمنى ان ابقى وترفض البعد تقبل اناملى شفاهك وترجو ان يغفر لك القلب تجثو على قدميك امامى وتتوسل الى بكل حب |
|
04-29-2007, 04:19 PM
| ||||
| ||||
| موضوع جميل جدا منكـ يا مارو انا قبلك فكرت ليه لبنت بترتبط وليه فكره الارتياط الغير رسمى د لانشغال الاب والام وعدم تعويضهم الحنان الكافى لابنائهم لكن انتى سلطى الضوء على النقاط المهمه بطريقه غير مباشره تسلم ايدكـ على مجهودكـ الرائع ده وتميزكـ الفريد
__________________ اذا أردت أن تعيش سعيدا في العالم فلا تحاول تغيير كل العالم بل اعمل التغيير في نفسك ... ومن ثم حاول تغيير العالم ما استطعت |
|
04-29-2007, 05:32 PM
| ||||
| ||||
| اولا يسلموووا يا مارو على الموضوع الرائع والمهم جدا متميزة وده مش جديد بس انا في راي مش كل بنت مافيش اهتمام فى بيتها بيها واهلها تروح تشوف ولد تتكلم معاه وكده ده مش صح ده رايي |
|
04-29-2007, 06:43 PM
| ||||
| ||||
| مشكوره يامارو على طرحك للموضوع وانا راى ان مفروض البت متاسرش بكلام الولد الى هو كلامه حلوه ياحبيبتى والكلام ده لازم تتاكد من مشاعره وان هو فعلا بيحبها ولازم الاهل يعوضوا البت الحب ويبقى جو البيت ملئ بالمحبه ولالفه عشان ميحصلش غلط وانا اسفه انى طولت ده راى تحياااااتى لكى
__________________   مااصعب التظاهر بالراحه فى الوقت الذى ينزف فيه القلب دمـــــــــــا |
|
04-29-2007, 07:48 PM
| ||||
| ||||
| شرف البنت عامل زي عود الكبريت لو اتولع مرة مش هيتولع تاني مهما حصل بجد يا مارو موضوع اكتر من رائع وشامل موضوع بجد الاغلب غافل عنه واتمني ان الكل يفوق من الي هوة فيه وكل واحد يقرب من ابنه او بنته وحتي الولد والبنت لو ابوهم وامهم بعاد عنهم يقربو منهم بجد لان الشباب والبنات الي فيه سبب الي فيهم ابائهم وامهاتهم مهملين فيهم عارفين ان الظروف صعبه طب ما دام عارفين ان الظروف صعبه بتخلفونا ليه بتخلفونا عشان ترمونا للزمن هو ال يربينا ولا ايه الكلام في الموضوع ده يطول ومش يخلص شكرا يا مارو بجد علي فتحك الموضوع تسلم ايدك
__________________  |
|
04-29-2007, 11:44 PM
| ||||
| ||||
| والله انتوا كلكم قولتوا كل حاجه وعموما أكيد قسوه الأهل على أولادهم والبنت عموما بتسبب نوع من البعد واحداث فجوه بين الأولاد وأهلهم بس بالنسبه للبنت عموما دا متهيألى مش مبرر انها تعمل علاقه غير مشروعه يعنى أكيد اول حاجه المفروض نبصلها هو الدين بتاعنا بيحرم ايه وبيحلل ايه موضوعك جميل يامارو تسلم ايدك
__________________  مدى ايـدك قربى .. بشويش تعالى واسمعى نبض قلبى بيناديكى أيوه روحى دايبه فيكى سيبى نفســك .. قولى اللى فـ نفسك مش مهم تفكــــــــرى |
