[عضو صاحب مشكلة]

هاى
بجد موضوع رائع وانا حبيت اشارك معاكم
اولا انا مصرية واسكندرانية
اولا انا طالبة بالصف الثالث الثانوى
انا بنت واحدة بس بين ولدين ومفيش اى بنات فى العائلة عندنا خالص الا انا وبنت تانية فى 1 ابتدائى يعنى فرق السن بينا كبير
وانا الحمد لله متربية كويس جدا وع مستوى عالى من الثقافة ومتوسطة الجمال وماديا الحمد لله كويسة جدا
والحمد لله برضة اسرتى اسرة مترابطة جدا وبنحب بعض جدا واهلى علمونى انا واخواتى نقف جمب بعض ونحافظ ع بعض
وان مفيش حاجة اسمها سر واى مشكلة بنقعد احنا ال 5 انا وبابا وماما واخواتتى وناقشها حتى لو كانت خاصة بشغل بابا
واهلى معودينى ممكن يقتنعوا برئيى لانى الحمد لله كلة بيقول عليا تفكيرى اكبر من سنى
مشكلتى هى
انا بنت واحدة عند ماما وبتخاف عليا جدا لدرجة انها مكنتش بتخرجنى او بتخلينى اتعامل مع الناس
ورغم كدة عندى طريقة القاء وحوار كويسة جدا لان ماما كانت تملى تعلمنى من مواقف بتمر بينا او من اخطاء غيرى
اولا انا فى فترة مراهقة وطبعا الكل عارف ان الفترة دى اى بنت لازم تحب
انا كنت بعيدة عن الموضوع دة خالص خالص لانى كان ليا حلم نفسى احققة هو انى ادخل كلية صيدلة
بس طبعا اتعلقت بفنان وكنت بتابع اخبارة علطول ومجنونة بية وانا ولغاية دلوقتى فى موقعة ومنتداة لغاية مااصبحت من
ادارة الموقع واتعاملت معاة شخصيا وكنت بجيب منة اخبارة بس بصراحة جنونى بية قل كتير خصوصا بعد مامريت بفترة صعبة
وهى امتحاناتى بالصف الثانى الثانوى
واعرف ادارة موقعة ومعجبينة من النت وكل فترة بنتقابل وبيكون معايا طبعا والدتى لان بنكون شباب وبنات من مختلف
المحافظات ووالدى واهلى طبعا بيكونوا عارفين
انا بقى عندى فراخ كبير جدا جدا جدا
خصوصا انى نادر لامة بخرج وانا مش من هواة التليفزيون او حتى القراءة
وفى حاجة تانية انا طالبة متفوقة وملتزمة جدا بس للاسف الحظ خانى ومجبتش المجموع اللى كان ممكن يدخلنى كلية الصيدلة
وبعد النتيجة جالى انهيار عصبى وةدخلت بسببها المستنشفى وبرضة ميئستش قررت اكمل علمى ويااحاول اعوض المجموع
وادخل صيدلة ياادخل كلية علوم
بس طريقة معاملة صاحبتى اللى يعنى كانت قريبة منى بس مش لدرجة الانتيم اتغيرت خصوصا انها جابت مجموع عالى
وبقت بتتعالى عليا جامد قوى رغم انى اعلى منها ماديا بكتير قوى ورغم كدة مقدرش وولا مرة فى حياتى حسستها انى اعلى
منها ماديا ومستوى اجتماعى و كنت بنزلها علشان هى متتضايقش
ولامة ظهرت النتيجة فرحتلها وقلت انا عندى حجات كتير هى بتتمنى تكون زييى فيها والحمد لله ربنا بيقسم النصيب
انا مش قادرة ازاكر بجد العزيمة والقوة اللى كانت فيا راحت ومش عارفة اعمل اية انا كانت عندى عزيمة السنة اللى فاتت
بس النتيجة خلتنى معنديش ثقة بنفسى رغم انى كان قرارى انى اكمل علمى علوم وايمانى بالله انة مش حيضيع تعبى وسهرى
الليالى اللى مجاش بفايدة برضة مش قادرة ازاكر
وكمان بحس علطول انى مخنوقة علشان مش لاقية حد اخرج معاة وكدة
وكمان مش عارفة اعمل اية فى صاحبتى اللى اول ماربنا اداها اى سلطة او نفوذ اتعالت عليا رغم انى اقدر اتعالى عليها
بس بخاف من ربنا ومن الزمن
ياريت بجد تساعدونى